الاثنين، 21 يونيو 2010

الكتكات


قبل جم يوم وأنا أتمشى لقيت أنواع مختلفة من الكتكات عاد أشكالهم تونس قلت بجربهم وأشوف أحلاهم 


طبعا النكهات مختلفة ( نعناع - دارك شوكلت - برتقال - وكراميل وغيرها من النكهات ) 


النعناع بطعم النعناع ميزته أول ما تفتحه تحس كأنك ماسك علك حار يعطيك ريحة مو طبيعية من النعناع أما بالنسبة للطعم ضايف للكتكات نكهة خاصة فيه عجبني تقريبا بس مو وايد يعني ينوكل مره بالعمر .


نكهه البرتقال فيه طعم حامض وريحة البرتقال بصراحة ما عجبني على الكتكات حسيت ان شيء مبالغ فيه 
ولكن يمكن الناس اللي تحب الحوامض راح تحبه بس مو أنا . 



الكراميل ما في ريحه وايد للكراميل بس الطعم يعطيك كأنك تشرب موكا ولا فرابتشينو بطعم الكراميل الصراحة 
ماحبيته لأني ما أحب القهوة وايد بس يمكن الناس المدمنه على القهوه تحبه .



أما هذا كتكات عادي وعجبني انه على شكل الأرنب تغيير في الشكل بس نفس الطعم القديم و اللذيذ 

يعني بعد التجربة أقول خلك على مجنونك لا يي اللي أجن منه . 

هناك 16 تعليقًا:

جاكليته يقول...

الكتكات حلاته ما يغيرون فيه ولا يضيفون له نكهات .. لانه الطبيبعي والقديم واايد حلو .. ليش يخربون على عمرهم هالشركة ؟؟؟
ذكرتيني لما رحت ماليزيا لقيت الكتكات هناك حاطينه بعلبه مثل علبة الزقاير .. وكان كل صبع بروحه كان يشوق .. شريته على طووول ... ونفس طعم الاصلي بدون نكهات اضافيه ..
ويسلمووو على الموضوع .. احسه لايق على نكي :)

خدمات البحث العلمي يقول...

قد ذقت بالبرتقال بس ماااااااعجبني ابدا

حلاته يكون سااااااده وبس

يعطيك العافيه

كوكتيل يقول...

صباح الخيرات

فعلا خلك على مجنونك لا ييك الأجن منه :)

أنا أحب العادية

والجانكي :)

بس من اللي عرضتيهم ممكن أجرب أخر ودحه إذا نفس طعم العادية

ويسلمو:)

mazyona يقول...

هلا جاكليته
اي والله أنا معاج بالرأي
تسلمين

mazyona يقول...

هلا مبدعة
اي والله مو حلو يوم يزيد الشيء عن حده
تسلمين

mazyona يقول...

هلا كوكتيل صباح النور
تسيلمين على الرد ولازم الواحد يجرب ويكتشف

Engineer A يقول...

اي والله خلك على مينونك .. بالذات الكت كات ، يوم ضافت الشركة كت كات كرنتش كلش ما حبيته وحسيته ثقيل وللحين احب أكل الكت كات اللي مغلف بقصدير :)

على العموم خوش تجربه وعليج بالعافية :)

mazyona يقول...

هلا Engineer A
اي احلى شيء بوقصدير
وعلى قولتج تجربة حلوه
مشكورة على المرور

غير معرف يقول...

ماأحب الكتكات

وماأدري ليش أحسه

النوع المفضل عند الشياب ؛)

mazyona يقول...

ههههههههههههههههههه
يعني هذ سبب عدم حبج للكتكات
كويت لوير مشكوره على الرد .

شاي الضحى يقول...

انا بعد اشوف ان الكتكات العادي مافي احلى منه

عوافي :)

mazyona يقول...

هلا شاي الضحى
الله يعافيج شوفي فيول اي نوع يحب علشان ايب له

غير معرف يقول...

يعطيج العافية :)
أنا جربتهم كلهم ما عدا النعناع لأني ما أحبه بالكاكاو :S
و عجبوني ما عدا البرتقال مو ذاك الزود.

mazyona يقول...

هلا هوب
الله يعافيج
مشكوره على المرور

@alhaidar يقول...

عراقة الكتكات تمنحه الحق في تفريخ نكهات أخرى ..


صحة وعافية .. وشكرا على الموضوع اللطيف :)

mazyona يقول...

هلا أحمد
اي كلامك صح بس مرات يمصخونها