الأحد، 20 يونيو، 2010

محتارة بالمراهقات ؟؟؟؟؟



بما أني حبوبه والكل يحبني ( ثقة عمياء ) فالبنات وايد يثقون فيني ويفتحون لي قلبهم خاصة اللي مو متزوجات 
المهم بنات عمتي فتحوا لي قلبهم وخبروني عن كل اللي فيه . تدرون سوالف مراهقة الأخت معجبة بفلان ولا تحب ولا سوالف مراهقة  هذي السوالف شخباري ؟
حلو اني أكون أمينه سرهم  أدري بس المشكله ان في أشياء أحس انه في خطر عليهم وفي تهور وفي تصرفات ما تعجبني وما أتقبلها لأنها لو هي بريئه تنفهم غلط بمجتمعنا .
فأحس بالمسؤلية لأنهم مو متقبلين نصائح مني يعتبروني وحده منهم فمحتارة هل أبلغ عماتي أو خواتهم الكبار ينصحونهم أو يوقفونهم عند حدهم ما أدري بس أحس جذي راح أخون الثقة اللي بينا . 
انزين شنو أسوي أنا حاولت بكذا طريقة انصحهم بس عمك أصمخ .  شنو أنسب طريقة أوصلهم وجه نظري 
اللي عنده فكره لا يبخل علي ؟ أحاول أكون معاهم كووول بس كل شيء له حدود 
فشنو تنصحوني هل أخون ثقتهم وأكلم أمهم أواختهم أو ما أخون الثقة وأحاول ؟؟؟؟؟؟؟؟؟؟؟؟؟

سؤال طرى على بالي : 
شخباركم اليوم مع الفصول الأربعة بيوم واحد ؟

هناك 8 تعليقات:

Engineer A يقول...

بصراحه موقفج صعب فعلاً ..

انا لو مكانج مادري شنو كنت راح أسوي ، افضل شي انج توجهين لهم انذار اول وثاني بس باسلوب حلو مو اسلوب تهديد امممممم بس جذي ممكن يقصون عليج ويقولون لج انهم اسمعوا االنصيحه واهم لا! امممم مادري :)

بس اذا من مصلحتهم ابلغ اهلهم ، فابلغهم بطريقه غير مباشره يعني اخليهم شوي يبدون اهتمام في بناتهم ويتقربون منهم وانقز على سوالف صارت تكون الام فيها لاهيه عن بنتها وجذي يمكن يعقلون وبجذي انتي ماقلتي لاهلهم شي عدل؟


راح افكر معاج بعد اذا لقيت حل باقولج :)

mazyona يقول...

هلا Engineer A
فكره حلوه بس مرات النقزات ما تفيد حاولت اتكلم عن بنات ثانيين وشلون سوالفهم المشكله كل وحده واثقة في بنتها ثقة عمياء وتستبعد انها تسوي هالسوالف
مشكوره

غير معرف يقول...

DONT TELL ANYONE!!!!

mazyona يقول...

هلا ايها الشخص الغير معرف
وكيف أحمي البنات وهي مسؤوليتي ؟؟؟؟

شاي الضحى يقول...

لا لا تقولين حق اهلهم لان السالفه مو هينه ماتدرين شنو بسوون فيهم

وراح تخسرينهم

نصحيهم اذا ما نفع خرعيهم بسوالف بس مو تهديد لانهم ماراح اييبون لج طاري

قوليلهم يعني فلانه كنت اعرفها نفس سالفتج واهلها دروا وصار جذي وجذي

وفلانه بعد صار لها نفس الشي

والفي قصص يمكن يأثر فيهم

قوليلهم وراكم زواج باجر منو ياخذكم ومن هالحجي

mazyona يقول...

هلا شاي الضحى
صح انا ضميري مو سامح لي ان أقول لأهلهم
وفكره حلوه سالفة القصص بجرب .
تسلمين

DoDoq8 يقول...

وضعيهم اكثر عطيهم قصص ذكريهم بااهلهم شكثر يحبونهم وينفذون طلباتهم

ذكريهم انه هشي غلط وياجر يتحاسبون عليه

mazyona يقول...

هلا دودو
انزين لاتعصب صدقني بحاول معاهم
تسلم على المشاركة