السبت، 19 يونيو 2010

ليش النذاله ؟

تدرون شلون الجو في الكويت هالأيام شيء غير طبيعي ومو معقول درجات الحرارة فوق المعتاد هذا وغير الكهرباء اللي تنقطع بين فتره وأخرى . طلعت الوزيرة في الوطن وكتبوا في الجرايد أن المدرسات اللي ماعندهم تصحيح يخلصون مراقبه ويطلعون طبعا هالحجي في باقي المدارس مطبق قبل اسبوع ماعدا مدرستنا و إدارتنا مو راضيين يطلعونا وفوق كل هذا انصك الكهربا علينا وما رضوا ان نرد بيتنا مبجر كل يوم الدوام من 7ونص لين وحده ومرات لين وحده إلا ربع . 
ويطلعونه كأنهم مسوين معانا معروف و لازم نشكرهم عليها
انزين ليش ؟ مع ان كل المدارس طالعين المدرسات اللي ما عندهم شغل ؟
رحت وكلمت الوكيله ( المديرة المساعده ) وقلتها ما شفتوا قرار الوزيره يوم طلعت بالوطن جان تضحك وتقول ما في شيء رسمي وقلت لها انزين هاليوم نطلع مبجرعلشان آخر يوم امتحان  جان تقول لا انت تطلعون مبجر واحنا عندنا وايد شغل .
انزين مو ذنبي اذا عندهم شغل يعني احنا المدرسات كل يوم لاشغل ولا مشغله نقعد بس سوالف وحش وأكل انزين ما كو شغل  علشان الادارة عندهم شغل مو معقول كافي الجو اللي يلوع الجبد .
هم طول السنه يضغطونا طلبات واشياء ومانتكلم نسوي شغلنا يوم الوزارة تضغطهم هما حطوا علينا 
ما أقول لهم إلا بسكم نذاله ارحموا من في الأرض يرحمكم من في السماء .
مع تحيات مدرسة منقهره . 

هناك 5 تعليقات:

غير معرف يقول...

لله يعينكم و صراحة هذي مو بس نذالة هذا الحسد بكبره! طول الفصل تكرفون و تشتغلون و آخرتها تداومون و انتم ما عندكم شغل!
صج صج كرهت التربية و انا للحين ما اشتغلت فيها :S

mazyona يقول...

هلا هوب
شفتي شيء يقهر
السالفة مو نبي نغيب وخلاص السالفة ان مافي شغل كلش ليش نداوم اوكي أداوم ارحميني من 9 لين 12
مشكوره

Engineer A يقول...

الله يعينكم والله ..

واحنا اهني بعد نفس الشي لا شغله ولا مشغله روتينا اليومي الممل في فترة الصيف

حضور + سوالف+ ريوق+ انصراف !! وفوق هذا يطفون علينا الليتات والتكييف يعني ترشيد!

الله كريم عيزنا واحنا انتحجى بس الظاهر ماكو فايده عمك أصمخ!

خليها على الله

mazyona يقول...

هلا Engineer A
اي والله صرنا دببه من الأكل
تسلمين على الرد

غير معرف يقول...

الله يكون بعونكم