الاثنين، 31 مايو 2010

أبي كلام حلو ؟



مليت مليت ومليت صار لي شهرين بعيده عن زوجي وكل ما قلته قولي كلام حلو يقول أنا ما أعرف ولا يتهرب ولا يقول هذه سوالفكم يا البنات كل تبون اشياء رومانسية عبالكم عايشيين فيلم  .
اي شنو الغلط اني اعيش هذه اللحظة وأتخيل نفسي البطله وعايشة قصة حب يعني ما يبون ان يكون عندنا احساس بعد لازم الريال يتعلم يصير رومانسي في أوقات يطرش حق زوجته هديه او رسائل حب أويطرش لها شعر ولا أغنية ولا حتى مسج حب علشان المرأه تحس بكيانها ورومانسيتها 
يعني تزوجتنا خلاص ما في رومانسية لو أدري كنت غيرت رأي وعنست .
يعني مو المفروض الزواج يقوي الحب والعلاقات ويخلي الريال والمرأه أكثر رومانسية أنا شايفة العكس بالخطبه ياهو كلام حلو ومسجات وورود وسوالف بس تزوجوا خلاص اعدام للرومانسية .
الرومانسية مرات تكون كافية بكلمه حلوه تحسس فيها زوجتك انك تحبها صدقوني راح تملكون العالم كله .
بس شبابنا عيب يصيرون رومانسيين بعد الزواج شنو هالتفكير المتخلف عيل متى يوم صرنا عيايز يعني .
أنا أقترح دورات للشباب المتزوج واللي مقبل على الزواج يعلمهم كيف تكون رومانسي مع زوجتك صدقوني كل الحريم بتشرك ريايلها بس ما يمنع ان في البعض وهم قله رومانسيين يعني لو أكون محتاجة كلام حلو شنو أسوي ؟؟؟؟؟؟؟؟؟؟
مرات زوجي يسألني أوكي انتي شنو نوعية الكلام اللي تبينه أقوله قولي انك مشتاق لي مو قادر تعيش بدوني حسسني بأهميتي بنسبة لك 
يقعد يقول أوكي ويردد نفس الكلام وأعصب لأنه هذا كلامي أنا أبي كلام من قلبه بأسلوبه حتى لو ما يعرف أي شيء راضيه .
ترى الحريم مخلوق سمعي يحب يسمع الكلام الحلو .
أقول  لكل الحريم اللي حالتهم مثل حالتي ترى عندنا حقوق وأنا أطالب بحقوقي من حيث الكلام الحلو ومن حقي اني اتخيل نفسي بطله الفيلم أو القصة ومن واجبك تحسسني اني ملكة متعرشه على قلبك . 
حمله بسنا نكد صيروا رومانسيين وإذا يا الريايل ما تعرفون روحوا شوفوا فيلم أبيض و أسود ولا فيلم هندي .

هناك 21 تعليقًا:

Hana يقول...

ساعات مو مهم الكلام الحلو في وايد رياييل يقولون كلام حلو بس من وراها الله يستر علي أهم الشىء الإحترام و الإهتمام.

mazyona يقول...

صح أهم شيء الاحترام و الأهتمام
بس أبي كلام حلوووووو
طماعة أنا أدري

هديــل يقول...

الكلام الحلو مطلوب ويقوي العلاقة بين الزوج وزوجته :)

بس يا خلاف ماكو رومانسيين بهالزمن :q

مشكورة =)

شاي الضحى يقول...

الريال على ما تعودينه

المفروض انتي بالبدايه على طول تقولين له كلام حلو بدون ما تطلبين منه ولا تحنين بتشوفين مع الوقت راح يتغير ويكلمج بنفس اسلوبج :)

والله يحقق لج كل الي ببالج

ShaymoOona يقول...

ايه و الله كلامج عدل..الرومانسيه انتهت بزمنا بس و الله ساعات اصيرون رومانسيين بس باوقات غلط ..معاج بالي قلتيه :)

رورو الشخبوطه يقول...

مو شرط يكون رومانسي بكلامه بعضهم رومانسيتهم عطاء يعني كريم معاج وهدايا والمعامله..

وهم مثل ماقالت جايونه ع اللي تعودينه..

mazyona يقول...

هلا هديل
لازم نشجع الكلام الحلو

mazyona يقول...

Té la mà Maria - Reus
شكرا على المرور ويشرفني رأيك بالمدونة

mazyona يقول...

هلا شاي الضحى
أنا مثلج كان هذا اعتقادي قبل الزواج
ان على ماعوده ما تصدقين أني أكثر وحده رومانسية بالدنيا
ولكن للأسف ما تعود راسه يابس
مشكوره على المرور الحلو

mazyona يقول...

هلا ShaymoOona
اي والله كلامج عدل
مشكوره على المرور الحلو شرفتي المدونة

mazyona يقول...

هلا رورو
اي صح بس مرات ما تبين الهدايا تبين الكلمه الطيبة والحلوه تبين الريال يفتح لج قلبة صايره محلله نفسية .

Crazy Girl in aGood Way يقول...

لوووووول يمكن اني معصبه بس تصدقين واايد ضحكت

انا نوعي اخاف من الريال اللي يقول كلام حلو احس جذاب ويغطي عن شي

انا مع جايونه بس طريقتي غير .. يعني اقط كلام على نغزات :)

ودايمن اقوله انا قاروره اذا حطيت عسل راح اعطيك عسل لوووووول

mazyona يقول...

هلا كريزي حبيبتي
من زمان ما شفتج
يعني هم آخرتنا راح نقط نقزات شكلي بسوي أوراق وأكتب فيها كل الكلام الحلو وأقوله أحفظ .

غير معرف يقول...

اهلين والله خيووووووووووو

عويذر يقول...

وش السالفه

غير معرف يقول...

قمر عند زوجها.

صراحه بنات انا زوجي مدلعني ويقولي كلام مرا جميل حبيبي قلبي اموت عليك تعالي عندي ضميني. مشتاق لك. اذا رحت عند اهلي يجنن ويقعد يكتب لي رسايل منحرفه. بس كثري الرومنسيات. وصدقيني راح يعرف وش يقول لكك صار لصديقتي كذا مع زوجها مايعرف يقولها شيء بس كثرت الرومنسيات عليهه وطلع له كلام. وعشق وحب.

غير معرف يقول...

سلاممو.


بنات الله يعافيكم انا متملكه زواجي قرب. وتوني صغيره وماعرف للمسوليه وزواج وماعندي خوات متزوجات وابيكم تسعدوني الله يخليكم ويوفقكمم والله لدعيلكمم في صلاتي بنات لا تخلوني ساعدوني

غير معرف يقول...

اخباركم بنات كيف حالكم.

غير معرف يقول...

أهلينن بنآتت والله مدري وشَ أقول بس زوججي من النوع اللي مآيعرفف يونسني اثناء الجماع وميطول معآي مليت منه مدري وش آسوي مآيشبعني وآذ قلت أبغى يقول خلاص أنا تعبان بنام وأنا مو جريئه عشانن آطلب منه صصار لنا وحنا متزوجين سنه تككفونن ساعدوني الله يسعدها اللي بتنصحني

غير معرف يقول...

أهلينن بنآتت والله مدري وشَ أقول بس زوججي من النوع اللي مآيعرفف يونسني اثناء الجماع وميطول معآي مليت منه مدري وش آسوي مآيشبعني وآذ قلت أبغى يقول خلاص أنا تعبان بنام وأنا مو جريئه عشانن آطلب منه صصار لنا وحنا متزوجين سنه تككفونن ساعدوني الله يسعدها اللي بتنصحني

غير معرف يقول...

بنات ردوو. بليز