الأحد، 30 مايو، 2010

يعني هذي آخرتها

قاعده مع البنات قعده حلوه وقاعدين نتناقش حول المجمعات في الكويت 
طبعا الزحمة غير طبيعية غير ان الأماكن محدوده وصغيره و تقوم وحده تمدح مجمعات دبي وديكوراتها وشكثر هي وسيعه والثانية تمدح سعودية ومجمعاتها الكبيره وديكوراتها ونطرت وحده تمدح الكويت ما لقيت وبصراحة يعني بروحه المجمع صغير وتلقين الزحمة شيء غير طبيعي و ما في مواقف للسيارات عدله يعني التخطيط فاشل غير جذي الديكورات مكرره وعادية جدا 
عرفت ليش أغلب الكويتين يسافرون دبي أو سعودية حتى ولو يوم مع ان نفس البضاعة والجو نفس الجو بس يختلف طريقة كل مجمع عن غيره بحيث يشد الناس وقعدت أفكر يعني هذي آخرتها من دوله كانت متقدمة بكل شيء لدوله صارت الرابعه عالميا من حيث التلوث 
ومتأخره بمواكبتها للدول المجاوره . 
انزين ليش ؟ هذي ديرتي الحبيبة وما أرضى تكون هذه نهايتها وين الشباب والمهندسين مولوهم خلوهم يبنون الكويت ويعمرونها خل الكل يضرب المثل بالكويت . 
يد بيد نحو مستقبل أفضل وجيل أحسن .

هناك 8 تعليقات:

شاي الضحى يقول...

:(


الله كريم

غير معرف يقول...

يعني التطور صار بالمجمعات التجارية وين الجامعات السنعه وين الابحاث العلمية

هديــل يقول...

فيه طاقات بس مافي تشجيع :(

يعطيج العافية

mazyona يقول...

هلا شاي الضحى
الله كريم اي والله

mazyona يقول...

هلا غير معروف
صح نتمنى الكويت تتطور بهذي النقطة بعد

mazyona يقول...

هلا هديل
اي والله في ابداعات في شبابنا
بس يبون من يشعهم ويمولهم

cheese 7cake يقول...

والله الكويت بكل شي متاخرة

وخاصة الصحه و التعليم وهذوووول اهم شي عيل كل يوم والثاني خطا طبي والتعليم نفس الطريقة مناهجهم نعااال يكرم السامع وكل شوي مغيرين المنهج ولا الملف الانجازي اللي خصبق عيالنا وتلومون الناس لا ودت عيالها مدارس خاصة :/

mazyona يقول...

هلا جيز كيك
معاج حق
الله يستر على جيل المستقبل