السبت، 26 مارس 2011

عيد ميلادي الثلاثون


طبعا قبل جم يوم كان عيد ميلادي بس مو أي عيد ميلاد عيد ميلادي الثلاثون 
يعني بدأت مرحلة الشباب وودعت المراهقة  ( 29 سنه مراهقة )
المهم قلت حق زوجي العزيز لازم يكون عيد ميلادي هذا غير أبي أسوي شيء ما سويته من قبل 
وأبي أجرب أشياء جديدة 
المهم زوجي ما قصر قعد يدور لي بجوجل كل الأشياء الغريبة بديرة وما جربتها وخيرني بينها 
أولها كانت رحلة بالهليكوبتر في أجواء الكويت بس بما إني أخاف المرتفعات رفضت الفكرة 
ثانيا رمي السهام في دسكفري للأسف صكوه قبل ما أجرب 
ثالثا بينت بول رحت مكانهم وسألنا بس الأسلحة كانت ثقيلة وشكله يعور فأكيد رفضت الفكرة 
رابعا سينما فوق السطوح بس رفضت الفكره حسيت ان شكلنا بيطلع غلط 
خامسا غولف مصغر في دسكفري هذا كان وناسة وجربته وعشت من خلاله لحظات مسلية 
وجربت بعد سينما سداسي الأبعاد عجبني وايد
المهم قضيت عيد ميلاد حلو وايد على مدى 3 أيام وأنا أحتفل طبعا لازم أطلع حرة الثلاثين  .

وبعد حبيت أحط لسته بالأشياء اللي ناوية أنجزها قبل ما أوصل الأربعين و أتمنى أني أحقق لو نصها 
مهم الواحد يحط له أهداف بحط لكم بعض أهدافي : 
- ابي انشر كتاب عن جدي 
- ابي آخذ دورات تصوير 
- أبي أكمل دراستي 
- أبي افتح لي بزنز 
طبعا في وايد شغلات بس حطيت لكم نبذه 

happy thirty for me
 


هناك 13 تعليقًا:

Katkoota xD يقول...

kil 3aam w entaay b 2lf 5aiir ya rab

w 7ilwa elwaa7id yjarib ashya2 ydeeda b 3ed melada

zaiin tsaween 3jbtni elfekra :P

w enshallah t78e8en ahdaafich kilha ya rab

Amwaj يقول...

كل عام وإنتي بخير يالغالية :)

وعساها سنة خير وسعادة إن شاء الله والله يخليلج زوجج وكل غالي على قلبج, ويخليج لهم *_*

ناطرة كتابج , شدي حيلج

موفقة :)

رورو الشخبوطه يقول...

ولكم باك..

وكل عام وانتي بخير..

صاجه السينما 6 الابعاد تونس..

ويارب تحققين كل اهدافج..

غير معرف يقول...

كل عام وانتي بخير انا اقول نقزي من باراشوت P;

Engineer A يقول...

كل عام وانتي بخير والعمر كله يارب :)

Hope يقول...

Happy Birthday to you
كل عام و انتي بخير، الله يجعلها سنه خير عليج

خدمات البحث العلمي يقول...

كل سنة وانتي طيبة

وحلوة اهدافك

يارب تتحقق كلها

كوكتيل يقول...

اهلين بالغالية ولهنا عليج :)

كل عام وإنت بالف خير وسعاده يارب:)

ويارب تحققين كل اللي تبينه وزياده اللهم امين:)

daloo3a يقول...

كل عام و انتي إلى الله أقرب
و كل عام و انتي بخيير ^^


ان شاء الله تقدرين تحققين مرادج موفقه اختي الكريمه ^^

mazyona يقول...

مشكورين على الردود الحلوه
تسلمون

غير معرف يقول...

I really like what you guys tend to be up too. This type of clever work and exposure!
Keep up the amazing works guys I've included you guys to my blogroll.

Feel free to visit my website Any kind of Possibility of Obtaining " moobs " right immediately soon just once Surgical procedure ?

غير معرف يقول...

Hello to all, the contents existing at this website are
in fact awesome for people knowledge, well, keep up the nice work fellows.


my webpage ... http://chestfatburner.com/

غير معرف يقول...

Great goods from you, man. I've understand your stuff previous to and you're just extremely fantastic.
I actually like what you have acquired here, certainly like what you're saying and the way in which you say it. You make it entertaining and you still care for to keep it smart. I can not wait to read much more from you. This is really a tremendous web site.

My homepage Http://Chestfatburner.Com/Can-Low-Fsh-Be-Blamed-For-Man-Boobs-Growth/