الفـــــوبـــيا
اليوم موضوعي عن الفوبيا
الفوبيا طبعا مثل ما انتوا عارفين هي الخوف الشديد من شيء
أنا تقريبا عندي فوبيا من أشياء وايد ومرات أأذي اللي يمي بسبب هذي الفوبيا
أنا أخاف من أن أركب السيارة وأحد يسوق فيني
شوفوا شنو أسوي كله قاعدة على أعصابي وأخرع اللي يمي
مثلا لو زوجي اللي سايق السيارة كل شوي أصرخ انتبه
دير بالك طبعا مرات من كثر الصراخ ولا التشويش اللي أسويه يطفر ويقول لي بغيت أدعم بسبتج
بس مو بيدي ما أقدر لا إرادي أشوف الناس كلهم ما يعرفون يسوقون وأنا الوحيده اللي أرتاح حق سواقتي
المهم عندي فوبيا ثانية هم بسيارة
عندي فوبيا اللفات يعني دايما يوم بتلف السيارة أحس أن السيارة بتنقلب سواء أنا اللي سايقة أو غيري
وتلاقوني مخففه لأقصى حد ومؤذية الناس اللي وراي
بس شنو أسوي عندي رعب من اللفات و المنحدرات
وأيضا عندي فوبيا المرتفعات و فوبيا السرعة وفوبيا الحشرات والحيوانات لدرجة أني أخاف من النمله
الحالة صعبة بس هل من علاج
زوجي يقول لي لازم اواجه اللي أخاف منه علشان ما أخاف بس صعبه
شكلي راح أخاف زيادة
هل عندكم مثلي فوبيا ومن شنو واللي عنده علاج يعطيني
هناك تعليقان (2):
حبيبتي أتوقع كل شخص عنده فوبيا معينة
وآنا بعد وااايد أشياء أخاف منها بمجرد إني أتخيلها, حتى من غير ما أشوفها
1 - الحشرات والحيوانات وخاصة القطوة, والله مأزمتني, كل ما أطلع من البيت أشوفها جدامي أتشنج :(
2 - كلما أشوف شخص معصب أخاف حتى لو كان مو معصب علي !!
3 - أخاف وأخاف وأخاف من سياقة السيارة لدرجة إن أبوي اشترالي سيارة قبل 3 سنوات ولا مرة طلعت فيها بروحي, من أقضب السكان جسمي كله يرجف :(
هذا اللي في بالي الحين, يمكن مع الأيام تطلع عندي فوبيا يديدة :p
أما الحل, فأتوقع مو بالمواجهة
مادري بشنو !!!
إذا لقيت حل لحالتي بقولج :)
هلا أمواج
اي والله مشكلتنا شكلها ما لها حل
إرسال تعليق