الأحد، 16 يناير 2011

هل هناك صداقة بين الرجل والمرأة ؟



سؤالي اليوم لكم هل هناك شيء اسمه صداقة بين الرجل والمرأه ؟ يمكن تلقون سؤالي غريب شوي 
بس أنا من وجهه نظري أن يمكن يكون في صداقة بريئه بين الأثنين بغض نظر عن نظره المجتمع لها 
يعني أنا قبل ما أتزوج أعز أصدقائي كان ولد خالتي الصغير كنا كل أسرارنا مع بعض وكنا مثل الاخوان بس نظره المجتمع واللي حولينا تجرمنا على هذي الصداقة 
يعني يوم تزوجت زوجي منعني من هالنوع من الصداقة ونفس الشيء حصل معاه . 
بس هذا ما يمنع ان في صداقة بريئه تجمع بين الاثنين ممكن زماله عمل ولا دراسه 
يعني لا نحكم على الشيء من الغلاف . 
أدري في وايد يخالفوني برأي بس من وجه نظري في صداقة بريئه يعني لما كنت بكندا تعرفت على بنات وشباب مغتربين وأجانب وكان هذا تعارف بريء من وجهه نظري كان الموضوع عادي مجرد تعارف وزماله بس لو كنت بمجتمع عربي وحصل نفس الموقف أتوقع كانو قلبوا علي الدنيا مع ان نفس الموقف بس العادات مرات تحكم 
عطوني رأيكم ؟؟؟؟؟؟

هناك 11 تعليقًا:

غير معرف يقول...

الصداقه البريئه مافيها شئ عادي وين الصعوبه في الموضوع قصدج العادات والتقاليد هاذي وضعوها بشر مثلنا تناسب عصرهم وضروفهم مو لازم يحكم علينا فيها اهل هاذي العادات ماتوا ولازم تموت عاداتهم وياهم ونكون احنا عاداتنا اللي تناسب عصرنا وتناسب ضروفنا

Engineer A يقول...

باعتقادي الشخصي لا يوجد صداقة بين رجل وامرأة وان وجدت فلن تظل على حالها ولابد لها من أن تأخذ منحنى آخر !

كل الود :)

رورو الشخبوطه يقول...

لا ماكو..

مو بس العادات والتقاليد تجرمها الشرع اللي اهو الاساس محرمها ..

اكو زماله وبحدود الشغل بس ,,

ومرسي..

DoDoq8 يقول...

لا ماكو مستحيل


لازم بين فتره والثانيه تتغير العلاقه وتصير شي ثاني

خصوصا من طرف الريال

يمكن المره اهون ممكن تكون صداقه معه اي شخص الا الريال غير !

DoDoq8 يقول...

لا ماكو مستحيل


لازم بين فتره والثانيه تتغير العلاقه وتصير شي ثاني

خصوصا من طرف الريال

يمكن المره اهون ممكن تكون صداقه معه اي شخص الا الريال غير !

Question mark يقول...

سوال حلو وايد,انا اعتقد اكو صداقة لان هناك وايد اشياء تحكمنا يعني لو دارس برة وبغربة اكيد راح اكون صداقات من كل الصوبين ,ظروف العمل تحتم علينا مرات هالصداقة,مرات لما نقعد بين انفسنا نحتاج نسولف اسرارنا لشخص يكون الظل الثاني ومو شرط يكون من نفس الجنس لان كل انسان سواء كان ريال ولا مرة لة وجة نظر ,موضوع شائك بس يمكن الوقت الحالي والعولمة تحكم علينا مثل هالصدقات.وتحياتي لج

كوكتيل يقول...

صباح الخير :)

أعتقد أن الصداقة في حد ذاتها من وجهة نظري ماتكون مع أي أحد من البنات الصديقة تختار بعناية ودقة ومفهوم الصداقة بالنسبة لي جدا متعمق

فصداقة لا ما كو في زمالة عمل إذا كنت مظطرته وفي حدود العمل ومبنية على الإحترام المتبادل بس أكثر من جذي لا

طيب شالله حادني أكثر ما كثر ربي البنات ليش أخذ من الرجل صديق ؟
هل راح تقدرين تقولين له أسرارك ما أتوقع

يمكن ولد خالتج إنت رابية معاه حسبة أخوج مثلا بس الغريب لا

وهم أنا من النوع اللي أحب أخلي فير حواجز في العلاقات :)

تقبلي مروري بود

ودمتي في حفظ الرحمن :)

Made n Q8 يقول...

لا مافي صداقه احنا زماله ويالله نبلعها

mazyona يقول...

وايد اعتراضات وايد آراء
احترم كل الآراء اللي قلتوها
ومشكورين على المرور الحلو

Unknown يقول...

مراااااحب

صراحه أنا من وجهة نظري انه فيه صداقه بريئة

يعني مثلا أنا عندي أصدقاء طفوله وأصدقاء عمل سابقا مافيها شيء إذا كان بحدود بس طبعا بعد ماتزوجت أكل هوي ما عندي صداقات هههههههههههههههه

بس عادي أسولف حق ريلي عنهم وأقول له أني مشتاقه حق سؤالفنا مرات لأنه هو بعد عنده صديقات بالدوام يسولف عنهم يعني كل شيء بحدود مولازم كل السؤالف تكون عن حب والمصخره وأحيانا الريال يفهم أكثر من البنت

ومشكوره علي الموضوج مزيونه

nnosha2011 يقول...

انا معاج بس مشكلتنا وسوري على هالكلمه مجتمعنا تفكيره دايما ( قذر وشاذ ) مع الحترامي للجميع


عندي صداقات مع الجنسين واعرف وايد بنات عندهم صداقات بس طبعا من ورا اهلهم لان مثل ما قتلج مجتمعنا تفكيرهم دايما شاذ

مشكوره على البوست