هلا شخباركم اشتقت لكم
اليوم موضوعي عن الكذبه البيضة او المجامله
مشكلتي أن زوجي ما يعرف يجامل ويجذب جذبه بيضه
يعني تلقوني انا يايه أدلع عليه وأسأله أنا أحلى وحده شافها بحياته المفروض يقول اي يجاملني لكن الأخ يقول بصراحه في وايد أحلى منج .
وبدايه زواجي أسأله انت حبيتني من أول نظره يرد علي ويقول لا مو من أول نظره يعني دايم يصدمني .
يعني أنا عايشه الجو والرومانسية والأخ حتى مجامله ما يقول طبعا وكل رده أنتوا يالحريم اذا قلنا الصج ما يعجبكم وإذا جذبنا ما يعجبكم وأنا مو متعود أجذب وأنا أقول هذا مو جذب هذي مجامله .
أنا أقوله يعني علشاني بس جاملني أنا راضية
بس الحمدالله على كل حال هو بدأ شوي يتحسن يعني يجامل على الخفيف مثل يوم أسأله منو أحلى بنت بالعالم يرد انتي وياسمين طبعا ياسمين بنتي لازم يرزها يمي
بس أحسن من يقول محد
شنو رأيكم هو الصح لأنه ما يجامل ولا أنا اللي ابيه في مواقف يجاملني ؟
هناك 5 تعليقات:
انتوا الاثنين صح
يعني مو لازم بكل شي يجامل و جذي
بس في اشياء يعني مفروض يجامل
حتى لو انتي مو احلى وحده بالكون
مفروض يقول انتي احلى وحده
او على الاقل .. يقول لا بس بنظري انتي احلى وحده
و دام بلش الحمدالله حتى لو يرزز بنتج ويااج p:
الله يخليها لكم
هلا Katkoota xD
كلامج صح وحلو
مشكوره على رفع المعنويات
واي اول موقف قهرني خخ اوكي لاتجامل واكيد لا تجذب ..
بس في كلمات تكون الطف ..
يعني نفس المعنى لو ينقال باسلوب 2 راح تتقبلينه ..
وولكم باك :)
هلا رورو
ثانكس اشتقت لكم وايد
كلامج صح في مولقف يبيلها كلام حلو تسلمين
الكلمة الطيبة صدقة وأحيانا تكون شفقة!
باعتقادي زوجك يحتاج له الكثير من التوعية والتثقيف ومو عيب أنك تخبريه وتعلميه إنتي وتصارحيه وبإذن الله راح يتغير..
بالتوفيق
إرسال تعليق