الثلاثاء، 31 أغسطس 2010

رمضان والرجيم



يقولون ان شهر رمضان هو الشهر المثالي لعمل الرجيم 
لأنه الشخص العادي ينزل وزنه بالشهر رمضان 7 كيلو 
أنا أشوف أن هذا الكلام غير صحيح 
جربت كل الطرق ما نزل وزني أصلا شهر رمضان 
بنظري بنسبة للكويتين شهر البلعة يعني اللي مسوي رجيم 
عنده بريك بالشهر رمضان وعاد يطلع الكرش مترين جدام 
لأنه شهر المقالي والحلو والأكلات الغير صحية 
أصلا أنا مجرد أمر الجمعية أشوف الناس تارسة عربتين 
كله أكل مشاءالله .
شدعوه عندنا مجاعة ولا خايفين الأكل يطير 
يعني شهر مثل باقي الأشهر بالنسبة للأكل ليش الناس يحسسوني أن عايشة في عالم ثاني والكل بالجمعية يخمط من صوب لدرجة خفت ان الأكل يطير قمت أخمط معاهم 
( يعني معاهم معاهم وعليهم عليهم ) .
المهم اللي لاحظته ان الرجيم ما ينفع برمضان 
لأنه وين ما رحت لقيت الأكل والحلو يعني الإغراء من 
كل صوب حتى لو شبعت شكل الأطباق يوحي لك انك لازم تذوق وتجرب كل طبق .
والنادي الصحي ما ينفع لأنه ما في وقت يعني بعد الفطور المعدة تكون مليانه وخلاص المخ مصكر نبي النوم . 
يعني نرفع شعار لا للرجيم بالشهر الكريم .
 

هناك 9 تعليقات:

Unique Girl يقول...

لوول خوووش شعار صراحه حبيته ههههه

بس الرجيم الي يقولون عنه ان قبل الفطور قومي امشي لمده ساعه

ولا رجيم بالشهر الكريم يا جماااعه

هديــل يقول...

صح اننا نخبص بالأكل

بس عن نفسي بسرعة اشبع وتنسد نفسي مو مثل باجي الايام

Unknown يقول...

وأنا قبل رمضان مقرره إسوي رجيم في رمضات

بس علي قولتج كله حجي بس نشوف السفره النفسيه تتعب ههههههههههه

بالعكس شكلي زايده كيلووين بعد

الله يعيني

Katkoota xD يقول...

ويي عيل انا عكس الناس

انا برمضان ما اكل وايد

احس بسرعه اشبع

بس اكثر شي اكله الحلو xD

خدمات البحث العلمي يقول...

بالعكس انا شايفه العكس خاصه اذا ما طلعنا من البيت اذا ما كان فيه عزايم اشوف انه نزل وزني


ومع الفرفره بالاسواق نزل اكثر

Unknown يقول...

ما ادري احس رمضان فرصة للتخفيف لانج اصلا بالفطور ما تقدرين تاكلين وايد و اما الفبقات اكلي شوي حلوة و قهوة و تالي السحور خفيف و الرياضة بالصلاة و الي ما يصلي وايد يحاول يمشي او البنت تحاول تطبخ ترا الطباخ فرصة للرياضة هههههه

Engineer A يقول...

ايي والله وانا بعد ما اعتقد انه شهر الرجيم والله يتمم علينا صحتنا وعافيتنا وياكم يارب ..

كل عام وانتي بخير

Tazmania يقول...

انشالله نجح رجيم رمضان :)

عيدج مبارك وعساج من عواده

oyoon al maha يقول...

شكرااا جزيلا عالموضوع

التحدي الحقيقي مو انقاص الوزن

التحدي هو الحفاظ على الوزن بعد رمضان

هذا بنظر عيني انجاااااز

ويزاااااج الله خير عالصورة

حددددها اتشوق