هلا أشتقت لكل متابعين مدونتي واللي افتقدوني
طبعا رحلتي كانت متعبة خاصة انها برمضان
لكن وااايد استانست كانت رحلتي من الكويت لتورنتو
حلوه خاصة ان أكتشفت أماكن جديدة وشفت المهرجان وتونسنا بأماكن جديدة وجوه جديده .
ثم سافرت لمونتريال وهناك هم كان وناسه مع ان أغلب وقتي بالأسواق صج حريم ندور السوق وين ما كان بس الأجواء كانت جميله والجو رهيب مع الأمطار الخفيفة .
بس مع ان صايمين و رمضان بس دورتهم بالسوق عدل
تدرون العيد لازم نتشرى ونغير جو اذا ضايق خلقي بس أشتري حتى لو مو حقي أرتاح نفسيا بس أصرف فلوس
ما أدري كل الحريم مثلي وبس أنا ؟
عندهم هواية صرف الفلوس .
المهم وبعد مونتريال رحنا دبي قعدت 4 أيام في فندق صغير بس كان حلو وجيد وكل شيء حولي كان اسمه جرانديور
أسعار حلوه والخدمة حلوة .
الحلو اني شفت أختي وعيالها وبنات خالي وعماتي وخوالي ويدتي يعني كل حبايبي شفتهم وتونست معاهم .
وأختي ما قصرت ما خلت مكان ما ودتني بس هالمرة شرطت سوق ما أبي طبعا شبعت من السوق بكندا اما بدبي قلت لهم ابي شيء ترويحي ضحكوا علي لأنهم ما عندهم شيء اسمه ترويحي حياتهم كله بالسوق .
هم رحت سوق ما في شيء ترويحي بس في اماكن بالسوق ترويحية مثل الاكواريوم والنافورة وغيرها .
المهم ونسنا عمرنا و اليهال استانسوا .
وأخيرا عدت للكويت لديرتي الحبية ومجرد خروجي من الطائرة صدمني الرطوبة الفضيعة اللي حتى بدبي كان الجو حلو والرطوبة أخف .
لكن الحمدالله رطوبة الكويت ولا ثلج كندا .
الموقف اللي ضحكني ان زوجي كل ما يبي يشيل الجنط للمطار للسفرة ريلي يشوف الجنط ويتحلطم يقول مسافره 10 أيام و جنطج حق شهر مسكين وايد تعب مع الجنط خاصة ان أول السفره كانت خفيفة وكل ما سافرنا مكان زاد الوزن .
بس شنو نسوي لازم نشتري ونصرف ولا ماتطلع السفره حلوه .
حبيت أسلم عليكم بعد وصولي
ومبارك عليكم باقي الشهر ولو انها متأخره شوي .
هناك 18 تعليقًا:
الحمدالله ع السلامه
تو ما نورت الكويت
علينا و عليج
تحياتي ^.^
welcome back 7ayati ;**
الحمدلله على السلامة :)
هلا كتكوتة
الكويت منورة فيكم
تسلمين
هلا سمر
مشكورة على المرور
هلا حنون
سميتي شرفتي المدونة
الحمد لله على السلامه و تقبل الله طاعتج
الحمدلله ع السلامة
وان شاء الله استانستوا
الحمدللة على سلامتج ونورتي ديرتج وناطرين يديدج
الحمدلله على السلامه وعيدك مبارك مقدما
هلا شيمونة
نورتي
مشكورة
هلا اقصوصة
علينا وعليكم
مشكورة
هلا هديل
الحمدالله كان وناسه
مشكورة على المرور الحلو
هلا نجري
منورة بوجودك
شكرا على المرور
هلا مبدعة
علينا وعليج
منورة حبيبتي
الحمدلله على السلامة :)
ييتي دبي أربع أيام ورحتي مثل الحلم يأختي بس أهم شيء أنا استأنسنا معاكم
والصياعه برمضان غير بعد هههههههه يالله المره اليايه ان شاء الله تقعدون شهر علشان نصيع عدددددددل
ألف الحمد الله علي السلامه يا الغاليه
صح لسانج ..
شهر رمضان شهر التعبد وقراءة القرآن ، ونضيف عليهم شهر الأكلْ ..
من أول ما يأذن واحنا نآكل لي الامساك ..
الحلج ما يتصكر =q
-
تقبّلي مروري ^_^
إرسال تعليق