الاثنين، 16 أغسطس 2010

الرقم 13 + حلم كل طفل + الجدول في رمضان

الرقم 13 

مع أن الدول الغربية مشهورة بعلمها وتقدمها العلمي 
وتطورها بشتى الأشياء 
إلا أني اكتشفت ان في شيء هم متخلفين فيه 
وهو النحس من رقم 13 
للحين يخافون من هالرقم ويعتبرونه ان يحضر لهم النحس 
يعني بالعمارة اللي ساكنتها وكثير من العمارات لا يعترفون بوجود دور 13 ولا يضعونه يعني نجد دور 12 ثم 14 و15 
ولا يوجد رقم 13 لإعتقادهم ان رقم منحوس هذه صور من عمارتي 




شيء يضحك وعندهم ايضا فرايدي 13 
يوم يصادف ان يوم الجمعة بتاريخ 13 فهو يوم منحوس 
صج شر البلية ما يضحك 

حلم كل طفل 
شنو حلم كل طفل هذا المحل في تورنتو هو حلم كل طفل 
طبعا عيالي ماصدقوا دشوا المحل وخموا الأكو والماكو 
طبعا تفكرون شنو هالمحل أخليكم مع الصور 







 

عرفتوا المحل 
كله حلويات بس اللي يحبه قلبكم 
صج  كان خوش محل يغريكم ان تشترون منه 
وكل شيء مشتهينه مثل حلاو طابوق وحلاو مطاط وأنواع الحلويات مختلفة تلقونه بالمحل هذا . 
الجدول في رمضان 

صح ان رمضان عندنا طويل في كندا 
فحاولنا نشغل وقتنا كل الوقت 
خاصة ان اليهال مشاءالله عليهم من الساعة 9 الصبح 
قاعدين وعندهم طاقات يبيله تفجير
فخطتنا كل يوم 
من 9 الى 11 الصبح يلعبون بلعبة يديدة 
شراها أبوهم لهم 
وبعدين من 11 الصبح إلى 1
نوديهم حمام السباحة يلعبون ويتعلمون 
بما أن حمام السباحة بنفس العمارة فوق 
فسهل علينا نوديهم كل يوم 
من الساعة 1إلى 2 يأكلون اليهال ويطالعون 
تلفزيون ومرات يرتاحون 
من الساعة 2 إلى 5 العصر 
نطلع نروح ندور بالأسواق و المجمعات ونغير جو 
وبعد الفرارة و التعب 
نرد البيت 
من الساعة 5 إلى 8 
أطبخ طبعا أشياء خفيفة 
سمبوسه + ورق عنب + همبرجر 
أو عيش و مرق دجاج 
والحلو أما كريم كراميل او جلي 
علشان الفطور 
الساعة 8 وشوي 
يأذن المغرب ونقعد نتفطر 
ومن 8 إلى 9 
نشوف التلفزيون ونغير جو 
ولين الساعة 10 من التعب 
اليهال يناموون 
وينعاد اليوم مع تغيرات بسيطة 
ومشكورين اللي يسألون عن رمضان بالغربة 

هناك 14 تعليقًا:

alB6h يقول...

مساء الخير
وي ما توقعت لهدرجة 13 عندهم هالرقم منحوس لوووول
وي مو بس حلم اليهال حتي الكبار ونااااسه :)

يعطيج العافية

Hadeel يقول...

وحتى بالفنادق .. مو موجود هالرقم ولا يعترفون فيه ..

يومكم طويييل ..بس اتوقع وناسه للأم والأبو وعيالهم .. تسوون وتمارسون أكثر من نشاط

رورو الشخبوطه يقول...

اهو لانه معتقد يعني شي راسخ صعبه التطور يشيل او يلغيه..

بس عموما ال14 يعتبر ال13 مافرقت خخخ..

ومحل الحلاو نفس بضاعة مال دبي ..

وحبيت تقسيم يوم اليهال حلو ماشاءالله متروس انشطه..

بتحفلين بالقرقيعان ولا لا؟؟

احس حلو بالغربه نذكر فعاليات وطقوس ديرتنا ..

وتردون بالسلامه يارب..

Unknown يقول...

مو بس الغرب المتخلفين حتي عندنا بالخليج أنا شايفه فنادق وعمارات مافيها رقم 13 عفانا التقليد في كل شيء

يااااي ياااااي قلبي راح بالحلويات يبولنا صوغه وياكم حلاوه مطاط هههههههه

والصراحه يومكم طوييييل بس أحس وناسه خاضه كل يوم حمام سباحه وطلعات يالله ان شاء الله مأتملون أبد وأهم شيء انج تسوين للريل الورق عنب اللي يحبه يعني متدلع بو الشباب هاليومين ههههههه بالعاااااافيه

ساره النومس يقول...

والله ان انحس رقم قابلني انا ورفيجتي 17 لووووول ننحاش منه من كثر ما يت لنا مواقف خايسة من هالرقم وصح هالرقم نحس عندهم مساكين لووول

mazyona يقول...

هلا بطبوط
اي والله اليهال والكبار يموتون على الحلاو

mazyona يقول...

هلا she is me
اي والله بس تعب
نشاط لا نشاط

mazyona يقول...

هلا رورو
اي والله انشطة حلوه
بس القرقيعان راح نكون انشاءالله بدبي
وهم قرقيعانهم قبل رمضان يسمونه حق الليلة

mazyona يقول...

هلا اختي جوجو
اي والله تقليد اعمى
نحاسة ماني يايبه حلاو
وبو شباب بسه دلعناه دوري ابي احد يدلعني

mazyona يقول...

افا طموحة
رقمي المفضل 17
ليش نحس عندج

Katkoota xD يقول...

الله

ونااسة شوقتيني عالحلاو بصراحة

و حلو انكم تذكرون التقاليد وين ما كنتوا

الله يخليلج عيالج ,, اليوم صج طويل

بس النظام اللي مسوينه مع الانشطه يكسره

تحياتي

mazyona يقول...

هلا كتكوتة
تسلمين على المرور الحلو

ċяγŝţάļ يقول...

ضحكوني والله .. والي مولود ب يوم 13 شو
يصيرله هع هع
... يالله شحلات الحلاوه ... لزيـــــــــزه
لو كاتبه حلم الصغار والكبار حتى انا اموت فيها ..
وتقسيم لليهال صراحه ولا أروع
تقبلي مروري ....

::أنيـــــــــن الــورد::Moon Shine يقول...

السلام عليكم ورحمه الله وبركاته

مبارك عليج الشهر اختي مزيونه وكل عام وانتي بخير..


اخذت فررره سريعه وممتعه على مدونتج وما انكر اني استمتعت واااايد فيها وباسلووبج العفوي في الطرح وبمواضيعج المسليه...


شي حلووو انكم مسوين جدول لليهاااال خلال هالشهر وممتع يكسر حده الوقت وطوله ...اسأل الله يوفقكم ويعطيكم العافيه...


وعلى قولتج متطوين ومتخلفين في اشياء..الله يهديهم ويصلحهم


كل الموده والاحترام

اختج