الأربعاء، 18 أغسطس، 2010

عايزة أتجوز


مسلسل عايزة أتجوز الذي يعرض في قناة mbc 
فكرة المسلسل مضحكة وتعرض واقع العنوسة للبنات بطريقة مشوقة و كوميدية وسلسه .
أعجبني المسلسل من الحلقة الأولى حيث عرض المشكلة بطريقة سلسه وكوميدية تصل للمشاهد حيث انه يحس بها وبمأساة البنات وأهلهم . 
أعجبتني فكره المسلسل والبطلة هند صبري أبدعت بدورها واتقنت دور بحيث انك تحس بتعاطف معها .
بصراحة كان ودي أيب لها عريس من كثر ما كسرت خاطري 
المهم وأنا بالغربة هذا المسلسل الوحيد اللي ضحكني و حسيت ان بعيد عن دراما الرمضانية المعتادة والمآسي اللي نشوفها كل رمضان واللي تخلينا نكتأب زياده لدرجة قمت ما أحب أشوف مسلسلات في رمضان لأنه قام يحصلي حاله إكتآب من كثر ما أشوف مشاكل وعقوق وخيانه . 
علشان جذي هذا المسلسل حسسني ان في دراما تعرض بشكل سلس ومضحك وبدون اكتآب يعرض مشكله حقيقية بطريقة تدخل القلوب . 
اللي ما لحق يتابع المسلسل يقدر يشوفه اون لاين على موقع 
mbc 
وهذا هو اللينك  جميع حلقات مسلسل عايزة أتجوز



هناك 9 تعليقات:

Unique Girl يقول...

ونااااسه احب الفكاهه ابي اشوووفه مشكوووره

mazyona يقول...

هلا Unique Girl
اي الله يستاهل الواحد يشوفه
العفو حبيتي

طموحة مملوحة يقول...

حتى انا عجبني المسلسل الواحد يبي يضحك يبي يستانس برمضان مو العلة الي عندنا 24 ساعة بجي وحزن وفضايح فكونا زين بس

Katkoota xD يقول...

عاد الكل يمدحه و يقول خوش فيلم

يبيلي اشوفه

يعطيج العافية  

تحياتي

مبدعه يقول...

ههههههههههه

سبحان الله توي كاتبه عنه في البوست تبعي

المسلسل حلو وكوميدي درجه اولى بس بالاخير حسيت انه يملل لان سالفتهم وحده عريس جا وعريس راح

mazyona يقول...

هلا طموحة مملوحة
صح للوناسة والضحك تسلمين على الرد

mazyona يقول...

هلا كتكوتة
اي يبيلج تشوفينه
مشكورة على الرد

mazyona يقول...

هلا مبدعة
تخاطر أفكار القلوب عند بعض
صح كله عن عريس بس كل حلقة تكون مختلفة عن الثانية

KrKor يقول...

اول دعايه وايد حلوه

مشكوره