الأربعاء، 28 يوليو، 2010

بيجاما بارتي

هلا كنت هاليومين وايد ضايق خلقي وملانه 

و من الملل قررت أن أسوي بيجاما بارتي 
فعزمت بنات عماتي على شقتي وبدينا أحلى بيجاما بارتي 
طبعا بالبداية جهزنا البلعة ( الأكل ) حلويات وآيس كريم و كل أنواع الكاكاو حق السهرة .



طبعا قضينا عليه من أول السهره كل وحده تآكل نوع لين خلص .

وبعدين جهزنا فيلم علشان نشوفه شفنا فيلم  16 wishes  كان حلو عن مراهقة حصلت بعيد ميلادها 16 شمعة كل شمعة عن أمنية ومن خلال امنياتها تكتشف ان حياتها كانت أحلى بدون التمني وتقدر حياتها . 


ويوم خلص الفيلم لعبنا مسابقات 


و بعدين قعدوا مع دودي الأسد حق عيالي وحاولوا يغنون بالمايك بس ما كان فيه بطاريات




وقررنا نشوف ألبومات قديمة ونتطلع على الصور 


ويوم خلصنا كنا مقررين نشوف فيلم ثاني بس كان الوقت متأخر وكان فينا نوم كان 5 الفجر فرحنا كل وحده على سريرها ونمنا.
خوش حفله بيجاما وناسه على الأقل طردت الملل وتونسنا . 
أنصح من وقت لثاني في بيجاما بارتي علشان الواحد يريح باله ويستانس .

هناك 26 تعليقًا:

Unique Girl يقول...

لوووووووووووول والله ونااااسه بس منو الي يشجع عندنا كلهم مالهم خلق

وناسه عليكم بالعافيه مره ثانيه عزموني لووووووول

رورو الشخبوطه يقول...

حلوه اليمعات ..

ان شاءالله دوم هاليمعات الحلوه يارب..

Anoosa يقول...

wAllah 7ilwa elfekra bs ma 3ndy a7ad asawy hal party ela refejaty w 6ab3an mno ely beyey pajama party fa ana asaweeha rou7y ebrou7y aham shay bared failcha eshtahaita!! bel3afya!!

alB6h يقول...

ان شاء الله دوم مستانسه ..
احلى شي الاكل بدونه اليمعه مالها طعم:p
الله يخليكم كلكم لبعض
يعطيج العافية

mazyona يقول...

هلا Unique Girl
انا أول المشجعين أصلا مثل هالحفلات تخلي الواحد مرتاح نفسيا لا سبا ولا بطيخ

mazyona يقول...

هلا رورو
مشكوره وما قصرتي

mazyona يقول...

هلا أنوسه
والله كل اللي معاي بنات بو 14 سنه بس استانسنه وايد والعمر مو فرق
تبين بريد صاروخ موجود بس فيلجا قضينا عليه

mazyona يقول...

هلا بطبوط
اي والله بالجمعه ما تحسين نفسج إلا تآكلين كل اللي يمج
مشكوره

هديــل يقول...

ووناااسة عليكم بالعافية
ودي ابي
يبيله نسويها بنت خالتي بتسافر للدراسة بعد فترة وما راح نشوفها :)

مشكورة

كوكتيل يقول...

حلوة الجمعة ماشاء الله :)

الله يونسكم دوم ولا يفرقكم أبدا اللهم أمين

دائما أحب جمعات البنات تونس :)

mazyona يقول...

هلا هديل
أكيد لازم تسوونها لأنها ذكريات حلوه
مشكوره

mazyona يقول...

هلا كوكتيل
مشكوره
صح أنا دايما أحس الجمعات تفرفشني

Hope يقول...

وناسه
والله زين تسوون عشان تقضون ع الملل
الله يخليكم لبعض و ان شاء الله دوم مستانسين

فـ(المطيري)ـدكـ يقول...

ونااااااااااسة .. ابي لولو هههههه

عاد تدرين هم انا اذا تمللت ع طول بطلت الالبومات او رحت طلبت لي مطعم كليت ..

عليكم بالعافية .. ^_^

Q8 TeaCHeR يقول...

وناسه والله عليكم بالعافيه :)
اهم شيء استانستو

mazyona يقول...

هلا هوب
مشكوره على المرور الحلو

mazyona يقول...

هلا فـ(المطيري)ـدكـ
مشكوره على المرور
وبالعافية حبيبتي

mazyona يقول...

هلا Q8 TeaCHeR
تسلمين
مشكوره حبيبتي

cho cho يقول...

أحلي شيء في الجمعه الأكل والأيس كريم


يمييييييييييي من زماااان عن بريد كي ديدي

ماعندنا في دبي

حنو وأنا أختج طرشي لي خيشة بريد ماعليج أمر ههههههههههههه


وبالعاااااافيه عليكم وعلي هاللمه الحلوه

مبدعه يقول...

يااازين هالجمعااات احبها

احلى شيء لما نلتم على فلم جو روعه

mazyona يقول...

هلا جوجو
الله يعافيج أختي من عيوني

mazyona يقول...

هلا مبدعه
صح حلو جو الجمعات
تسلمين

Engineer A يقول...

عليكم بالعافية أهم شي استانستوا :)

mazyona يقول...

هلا Engineer A
تسلمين
مشكورة على المرور الحلو

أميرة عربية يقول...

حلوة الفكرة بالعفية عليكم

غير معرف يقول...

لوووووووووووول وربي مره وناسه حلوه جمعة البنات وكيداا