السبت، 10 يوليو 2010

مو فاضيه تدرون ليش ؟


هلا شخباركم من زمان ما شفتكم ولهت عليكم أدري اشتقتولي وايد ( ثقة عمياء ) المهم هاليومين كنت كلش مو فاضية السبب

ان مشاء الله كل الناس بتتزوج شهر ٧ قبل رمضان وأنا وحده مليت من العروس والمناسبات كل يوم اما عرس أو حفله تخرج
أبي اقعد بدون ما أفكر شنو راح ألبس ولا أي صالون بروح ولا شنو أعطيها هديه احس خلاص فلست بسببهم وكرهوني بالعروس و الحفلات وهناك بعد اسباب ثانية .
تفكيري مشوش علشان جذي ما فضيت علشان احط بوست اصلا ما فضيت أحك رأسي وغير جذي عندي عماتي يايين من دبي زياره فلازم أجابلهم يعني عيب اكشت فيهم . 

قلت اليوم لازم أحط بوست علشان نفسيتي ترتاح وأفضفض أحب أفضفض بالمدونه أحس هي ملجأي وملاذي يعني ما أحب أخلي بخاطري شيء يعني احنا الحريم لازم نقول اللي بقلبنا ولا ننفجر  يعني انا وحده حاولت أسوي نفس قصه حلاق السلطان تذكرونه  اللي ما يذكر هذي القصه . 

 ( تتذكرون معي قصة حلاّق الملك الذي كان الوحيد الذي يعرف بحقيقة أذني الملك بحكم مهنته(وكان للمك أذنان كأذني الحمار). وخاف أن يقتله الملك إن تكلّم، وضاق بما يعرف. إنّه لا يستطيع احتباسه في صدره.. فمعرفته لا تعني شيئاً إن لم تصل للناس، لكنّه يخاف القتل. وبدأ بطنه ينتفخ من هذا السر فنصحوه بحفر حفرة عميقة وفض كل كلامه فيها . فلجأ إلى شاطئ النهر، وأخذ يحفركل يوم حفرة في رمال الشاطئ يقول فيها: “للملك أذنان كأذنيّ الحمار” ثم يردمها. ومرّت الأيّام فنبت القصب من هذه الحفر. وصار القصب، كلّما مرّت فيه الريح، يصيح “للملك أذنان كأذنيّ الحمار؟؟ )

 يعني افضفض بمكان بحفره ولاشيء بس ما نفع معاي هالطريقه ولقيت البلوق احسن حل ومكان لخرابيطي وفضفضتي وراحه بالي   . 

سؤال  ليش الرياييل مو نفسنا اللي في قلبهم يقولونه ويفضفضون يعني لازم الوحده فينا تسوي تحقيق 
وسين وجيم بس علشان تعرف شنو في زوجها . انزين هذي زوجتك ليش ما تقول اللي بقلبك وخلاص ولا غاويين تعب وقلق . أحيانا لما الواحد يفضفض يرتاح كافي ان زوجته بتخفف عنه والسبب الأهم ان علميا لقوا اللي يفضفض يعيش أكثر من الانسان اللي يكتم بقلبه ؟

وأخيرا وليس أخيرا أشتقت لكم وإذا شفتوني طولت المره اليايه عرفوا اني اما ذبحت احد بالعرس أو اني انتحرت بسبتهم   
( يعني ما تعرفون تحطون سبعين عذر ) 
وسلامتكم 

هناك 16 تعليقًا:

Unique Girl يقول...

هههههههههههه

انا ياكرهي للعروس ما احبببهم لو تحنون عليمن اليوم لي باجر ما اروح اببببد

المهم الله يعييينج يارب

وفضفضي ياختج وارتاحي

واما عن الريايل لووول ضحكتيني شكلج عايشه هالتجربه

بس يفضفضو مو حق اي شخص لأن مو زين

مشكوره على الموضوع واسم الله عليج من الإنتحار فال الله ولا فالج

رورو الشخبوطه يقول...

هما الرياييل غير عنا احنا طبعنا مانمسك نفسنا ونتحجى اهما مسمتعين اكثر من متكلمين..

الا بحاله وحده الحنه واي لاتتسوين شي مايحبه حتى لو مو قصدج بياكلج :\

الحين صرتي خبيره بالموضه والمكياج والحفلات والهدايا لي فضيتي عطينا خلاصة تجاربج :)

ولكم باك فقدناج من غير شر :)

Question mark يقول...

انا اقولج في قانون المراة ما تصير شاهد علي الريال بس اذا اشتكت عليه تكون شهادتها وشكوتها قوية حيل
شلون تبين رقبتنا بايد الحريم
تحياتي مجنونة

نـ(المطيري)ـازكـ يقول...

بيني وبين العروس عداااااوة .. ما اروح الا بالسنة حسنة .. لا واروح وانا مالي مزاج ولا لي خلق هههههه

قواج الله .. والله يعطيج العافية ^_^

هديــل يقول...

ههههههههه عاد تنتحرين
انا اكره العروس بس ما توصل لدرجة الاجرام لوووول

ولا تقطعين مرة ثانية ؛)

mazyona يقول...

هلا Unique Girl
اي الله يعينا جميعا تسلمين

mazyona يقول...

هلا رورو
اي والله كلامج صح
تسلمين على المرور

mazyona يقول...

هلا نجري
مرات محدد يخفف عن الريال إلا المرأه
تسلم على المرور

mazyona يقول...

هلا فـ(المطيري)ـدكـ
هلا نورتي المدونه
اي والله ليش ما يتزوجون سكيتي وخلاص
تسلمين على المرور

mazyona يقول...

هلا هديل
مو حوسه العرس بروحها تدوخ وتلوع الجبد
وانا صايره مثل النحله صايرين المناسبات مشاءالله ورى بعض
خلاص أحاول ما أقطع وايد
تسلمين على المرور

Unknown يقول...

الله يعينج يا حنو

خسائر في خسائر بس تعالي مني

إذا انتي موفاضيه ولاعندج وقت تحكين شعر رأسج

عيل ليش ماذيتنا كل يوم والثاني ملأنه وملانه

روحي طلعي مللج في الرقص الشرقي ورقصة الجاجاجا ههههههههههههههاي

mazyona يقول...

ملانه من الروتين المعتاد يا جوجو
بس انشاءالله يوم اسافر اغير جو شوي

Made n Q8 يقول...

لا عفيه لا يفضفضون من زين كلامهم عاد خليهم ساكتين احسن :d

mazyona يقول...

هههههههههههههههه
هلا ميد ان كويت
نورتي المدونه

غير معرف يقول...

Hello there! Would you mind if I share your blog with
my zynga group? There's a lot of folks that I think would really appreciate your content. Please let me know. Thank you
my web site :: GFI Norte

غير معرف يقول...

Hi there, just wanted to mention, I loved this
post. It was funny. Keep on posting!
Also see my webpage :: GFI Norte