الأحد، 27 يونيو 2010

منتجات dermalogica

من فتره كنت أعاني من بشرتي وايد تدرون الجو بالكويت ما يرحم 4 فصول بيوم واحد غبار وحر ومطر وجفاف الخ .
فكانت بشرتي تعبانه جدا ومرهقه فاستغليت وجودي بكندا ورحت لعياده الجلدية  http://www.elitelaser.ca

وبعد فحص بشرتي سوت لي تقشير بالمنتجات الطبيعية و عطتني منتجات تلائم بشرتي وهي منتجات dermalogica


هذي هي منجاتهم اللي عطتني ياهم الصراحة وايد حبيته واستفدت منه خلوني اشرح لكم عن كل منتج 


هذا هذا daily microfoliant   وطريقة صايرة مثل حبيبات رمل تحطين معاها شوي ماي وتفركين فيها بشرتك يعني مثل التقشير الخفيف وتسوينه مره بليل ومره الصبح . 


أما هذا فهو كريم حماية من الشمس ولكن عجيب أحسن من الكريمات اللي استعملتها بالكويت طريقته صايره مثل القطره تحطين منه نقطتين او ثلاثة للبشره تكون كافية توزعينها على كل البشره . 




اما هذا skin smoothing cream  نحطه آخر شيء على البشره وهو كريم يحافظ على بشرتج ويخليها رطبه وناعمه مو جافة 
ومن مميزاته انج تقدرين بعد ما تحطينه تحطين الميك آب .

حبيت وايد منتجاتهم عن تجربة وناويه يوم أروح كندا هالصيف أيب حقي بعد  
هذا موقعهم اللي حابه تتعرف عليهم أكثر http://dermalogica.com

وفي موقعهم أختبار حلو يخليج تتعرفين على أفضل منتج بالنسبة لج وشنو المشاكل اللي تبين تتجنبينها .

هناك 6 تعليقات:

رورو الشخبوطه يقول...

تعليق 2 :\

اول مره اخترب النت :(

وناسه احب هالسوالف..

بس ماقلتيلنا شنو نوع بشرتج؟؟

ومشكوره..

شاي الضحى يقول...

مو موجودين بالكويت؟!

mazyona يقول...

هلا رورو
بشرتي مختلطة
أتوقع أكثر الناس بشرتهم مختلطة من جونا العجيب .
تسلمين

mazyona يقول...

هلا شاي الضحى
والله ما دورتهم بالكويت لأنه ما خلصوا من عندي للحين وأنا مسافره شهر 7 قلت ايبهم من دكتورتي احسن .
بس يمكن فيه .

Unique Girl يقول...

لوووووووووووول

والله كشششششششششششششششخه ههههههه

عجبووووني

تقبلي مروري

غير معرف يقول...

Ιt's difficult to find educated people in this particular subject, but you seem like you know what you're talking about!
Τhankѕ

Also visit my web-site: houston garden centers pasadena tx