الأحد، 9 مايو 2010

زحمة يا دنيا زحمة

شنو هالزحمة شيء مو طبيعي يعني أنا طلعت اليوم من الدوام مبجر الساعة 1 الظهر وصلت البيت الساعة 2 
هذا شيء غير طبيعي ليش هالزحمة بشوارع  وكل ما أمشي شوي ألقى حادث شنو صاير بالكويت 
هالدرجة الزحمة المرورية صايره مو طبيعية حاولت أدور بالراديو عن قناة تخبرني اي شارع عليه ازدحام علشان أتجنب الزحمة بس للأسف ما لقيت أنا أنصح بالخطوه هذه لأني اليوم درت نص الكويت علشان أوصل بيتنا ما صار كل مكان زحمة 
يعني الواحد شنو يسوي طلعت مبجر زحمة طلعت متأخر هم زحمة .

الكويت ديره خير وخيرها بكل مكان مو قادرين توسعون لنا الشوارع أو تحطون محطة 24 ساعة تنقل أخبار الطريق 
ما أقول إلا ياكويت خيرج لغيرج .

هناك 10 تعليقات:

شاي الضحى يقول...

الله يعينج

انا اذا بطلع يالله فوق الـ 3

:)

غير معرف يقول...

صاجه زحمه يادنيا زحمه

الله يعينه
شلون إذاصار تعدادالسكان
3أو4ملايين :(

mazyona يقول...

هلا شاي الضحى
مسكينه الساعة 3
كسرتي خاطري

mazyona يقول...

هلا q8-lawyer
اي والله اذا صار 3ملايين
خلنا نرد نركب حمير أحسن

كوكتيل يقول...

الزحمة صايرة مو طبيعيه عزيزتي :)

الله يعينا والله
وبعدين إحنا التصليحات عندنا إبداع يبلشون ويحطون حواجز ويضيقون علينا وبعدين نطري شهور وأخرتها لو مو مصلحين وايد أبرك :(

دواوير تدوخ الراس وتصميمها الهندسي إبداع الاينات داشه على بعض

الله يعين :)

Question mark يقول...

شلون ماكو زحمة بالديرة والواحد ما يصير عمرة 18 اشتري سيارة يديدة,شلون والشاحنات سادة الشوارع,ماكو تنظيم مرور زحمة مدارس,حوادث من العمالة والمقيمين كل واحد متعود بديرتة علي سياقة ويون يطبقونة بديرتنا ,شي يقهر انزين الشارع فاضي ليش تدق هرن,صج ماكو شغل لوووووووول

mazyona يقول...

هلا كوكتيل
اي والله كلامج صح التصميم غلط
وتصليحات كل سنه يتصلح شيء

mazyona يقول...

هلا بحر الصمت
صح كلامج الله يعينه على الزحمة

Crazy Girl in aGood Way يقول...

مزيونه

اهم شي تدورين محطه تنقل اخبار الزحمه

لووووووول

صج ليلحين متاثرة بالغربه وياما حتشوفي :)

شكرا على الاقتراح وانا ايدج لان اشوفه وايد مفيد

mazyona يقول...

هلا كريزي
اي والله ياما حشوف