الاثنين، 10 مايو، 2010

اقرع مقيرع

أقرع مقيرع

السالفة أن أختي يابت ولد مزيون 

أدري كيووووت 
المشكله أن أختي ما كانت تبي تحلق شعره 
عاجبها شعره الخفيف 
ولكن انا وأمي مو عاجبنا 
فخلينا اختي تطلع مع زوجها 
ويبنا الحلاق ولعبنا لعب
اهني سوينا له تسريحه نص 


يا حلاته وهو جنه قحطة 
هني غيرنا التسريحه حطينا له ذيل من ورا 


هذا الشكل النهائي 
أقرع مقيرع 
شكله التسريحه مو عاجبته 
مع ان يايبيله أحسن حلاق بالكويت
حلاق هندي بدينار ونص 

هناك 14 تعليقًا:

شاي الضحى يقول...

لوووووووووووول

امبيه بدعتوا فيه

ولد خالي لما كان صغير شعره كله يطلع خفيف ومكان فيه شعر ومكان مافيه

قاموا يقرعونه لما طلع شعره نفس الاوادم


لما ردت اكيد انصدمت من القرعه هههههه

الله يحفظه :)

mazyona يقول...

هلا شاي الضحى
لما ردت بغت تبجي من الصدمة
قالت انه ولدها صار جيكر

q8-lawyer يقول...

امبيييييييييه بدعتوا فيه
ماخلتوا شي بخاطركم بهتلتوا
على الحركات نص أقرع وقحطه:)

عادي دام صبي ماعليه
بس البنت تصير جيكره على القرعه

واعليه على إختج مالومه إذا بغت تبجي

mazyona يقول...

هههههههههههههه
اي والله
كانت مصدومة وتشوف الصور تقول فيلم رعب مو ولدها مقرعينه

she is me يقول...

أخاف من الياهل الأقرع ..أحس مخه في خطر ^^

بس تدرين .. أنا مع اختج .. شوفي شعره نااعم شحلاته
بعدين كل يقولون .. هذا شعر بطن .. يحت بروحه ويطلعله غيره

وزين صورتوه .. عشان لاكبر.. تصير عقدته
^^

رورو الشخبوطه يقول...

انا ولد اخوي لما قرعوه صار جنه حنفي خخخ..

ووعليه جان اقنعتوها مسكينه انصدمت:\

mazyona يقول...

هلا she is me
اي علشان يوم يكبر نذله على الصور

mazyona يقول...

هههههههههههههههه
مافي أنا وامي كله نتعامل بصدمات
انحطها امام الأمر الواقع

Crazy Girl in aGood Way يقول...

حرام واعليه

عاد احب البيبي وشعر البطن واايد حلو

مارده يطيح ويطلع الاصلي

انا مافكرت ولا افكر احلق عيالي

mazyona يقول...

ههههههههههههههههه
أدري أنا وامي أجرمنا فيه
هي متوعده عيالي
الله يستر شكلها بتحلقهم

كوكتيل يقول...

أمبيه أكيد أختك أنصدمت المسكينة :(

والله يحفظه إن شاء الله :)

mazyona يقول...

هلا كوكتيل
اي والله
الصدمة كانت شديده لكن راح تعيش

SweetHeart ~ يقول...

سمله عليه ، مشالله

لعبتو فيه لعب اخيييه :(

وااااي فديت السبيااان انا
ياااختي يا حلوّه اهوا وقرعته

الله يخليه لكم

Her يقول...

mashalla sh7alata alla y7aftha:) 3ad a7san ye6la3 sha3ra zean b3dean:) 7abeeby w ga3edlekum ba3ad ma yabche:palla y5alle lahal