الاثنين، 21 أبريل، 2008

قصة زواجي

راح أكلمكم عن زواجي كيف تم وشنو صار كان فيلم هندي بروحه

طبعا زوجي العزيز ما كنت أعرفه ولا يعرفني

وذاك الوقت أنا كنت مغرورة محد داش راسي وتارس عيوني

يوم قالوا لي ان في واحد اسمه ابراهيم ياي يخطبج عصبت وحمقت شلون يتجرأ

عبالي نفسي أميرة محد يسوي لي شيء .

المهم طلبت أشوفه بس مو رغبه مني بالإرتباط

بس حبيت أشوفه وأرفضه يعني أهانه أشكرى

وصج الولد رضى ودش بيتنا

طبعا أهلي عايشين الدور عدل عبالهم فيلم مصري قالوا لي دشي وبيديج الشاي

أنا ليش منو يكون لا وألف لا ولا ترى بصب الشاي عليه طبعا رضوا ما يقدرون علي مينونة
وطبعا يوم دخلت أشوفة أمه محمد كله داشة ويانا شنو السالفة

كلهم قاعدين ويطالعونا طبعا هو الولد كان خجول ما يطالع منزل عينه ويسرق نظرات خاطفة

أما أنا أطالع وجني قاعدة بفيلم

للأمانة الولد حيل دش بخاطري يمكن هذا اللي يسمونة حب من أول نظرة
المهم صابني سهمه صارت أغنية وفيلم هندي

وطبعا لأنه الأهل كله قاعدين مسكين ما قدر يتكلم إلا سؤال عبيط شنو تدرسين ؟
وبعدها ويه قلب ألوان

وطبعا العمة ماقصرت سحبتني بره وقالت لي بسكم شنو عيد هو

وأنا للحين ما شبعت من شوفه

المهم ما أطول عليكم
كل عمامي رافضين الولد لظرف ما

إلا جدي له نظرة في الريال ما تخيب وكان موافق وعماتي البنات وأمي
لكن أبوي والباقي حاولوا يقنعوني

بس أنا راسي ألف سيف أني أبيه

المهم أم الولد كل ماتدق تليفون يقولون لها البنت تفكر ما رضيت أعطيهم رد وقعدت أقول بشاور هذا وهذا
بس أنا موافقة بس لعانة حبيت أنطر الولد

المهم مر شهر وبعد شهر عطيتهم موافقتي

تخيلوا رايحين نملج وأبوي يقول عادي إذا غيرتي رايج لا تخافين من أحد

ضحكت وقلتله لا فيلم صار أنحاش في آخر لحظة وبعدين قلتله أنا مقتنعه فيه وأبيه
وملجنا
وتزوجنا ومر على زواجنا تقريبا 5 سنين وعمري ولا للحظة ندمت على هالقرار

بالعكس الكل حب ريلي وقدره زيادة خاصة يوم عرفوه وعاشروه

وأنا بعد حبيته من أول مره للحين كل يوم أحمد ربي وأشكره أني حصلت هالريال اللي يسوى الدنيا وما فيها
ومشكورين

هناك 4 تعليقات:

the.thinker يقول...

عسى الله يتمم عليكم

ويعطيكم الحياة السعيدة الخالية من المشاكل .. ويتمم عليكم يارب .

ونايس بلووق :)

mazyona يقول...

مشكوووووووووووووووور على التعليق الحلو

Five / Four يقول...

لووول حدكم زوغه

الله لا يفرقكم ويتمم عليكم يا رب

AM.SA.CHANNEL يقول...

ههههه قصج حلـــــوة ..

و ماشاء الله تبارك الرحمن، و الله يخليكم لبعض للأبد إنشاء الله ..