الثلاثاء، 10 أبريل، 2012

هل انت مستعد انك تقول الحقيقة ؟

هل انت مستعد انك تقول الحقيقة ؟
 
كنت اتابع برنامج الاجنبي

The Moment of Truth

و أشوف الناس تحاول على الكرسي تقول الحقيقة مهما كلف الامر و لازم يقولون الحقيقة

و إلا انكشفوا بالكذب وقعدت أفكر لو في مثل هالمكان عندنا

انا عن نفسي كنت ما راح اجازف حتى لو بيعطوني مليون 

اتوقع فضايح بتطلع عن ناس اعرفهم او حتى اسرار عن نفسي او غيري يعني من أول سؤال راح أجذب و أنهي الموضوع 

لا عوار قلب ولا رأس بس إذا عرضوا علي ان زوجي هو اللي يجرب 

راح اعطيهم انا مليون دينار و اسأل اللي أبيه 

اتوقع كل الحريم بتشرك ريايلها علشان بس تعرف الحقيقة 

راح تطلع فضايح . 

ما أتوقع واحد عنده عقل حتى لو يقول انا بحياتي ما جذبت وحياتي كلها صفحة بيضة يروح لأنه لازم ان في شيء ما تقدر تقوله راح يطلع .

هالبرنامج بأمريكا خرب بيوت وعلاقات و زواج يعني ما سوت عليهم 

ينفضحون و ما يربح فلس واحد .

أنا اقتراحي ان بدل برنامج وعلى التلفزيون يطلع يسوون مثل شركة تعرض هالخدمة حق اللي يبي و يكون خاص فيك .

جذي الرياييل راحوا فيها . بس هم ما راح اجرب لو يعطوني ملايين 

انا ناقصة عوار رأس . 

على قوله الكويتين اللي بالجدر يطلعه الملاس 

ليش اللقافة . 

فسؤالي لكم هل كنت راح تشترك و تجازف بقول الحقيقة أم نفسي راح تنسحب من أول سؤال ؟ 


ليست هناك تعليقات: