هلا شخباركم اشتقت للفضفضة والكتابة
هاليومين وايد مشغولة لأنه أجهز أغراضي راح أسافر عند زوجي بكندا .
طبعا هو حاط أمل أن تعلمت جم طبخة مفيدة اطبخها له هناك بكندا بس أنا رايحة رمضان يعني مالي خلق لا طباخ ولا كراف أبي استرخي وأدلع خاصة ان الآذان الساعة 9 بليل أنا بروحي رايحة أبي أحد يدلعني مو رايحة علشان أنا أدلعه .
طبعا أنا ما أحس برمضان بالغربة لأنه مافي أهل وما في الجو الرمضاني اللي نشوفة عندنا بالديرة
راح اشتاق حق رمضان الديرة بس الحلو راح أرجع قبل العيد بجم يوم يعني بلحق على يومين رمضان .
انشاءالله يوم أوصل واسترخي راح اتواصل معاكم من هناك
اشتقت لكم من الحين .
يالله أدعوا معاي ان الله يهدي زوجي ويقولي كل يوم من مطعم
( وحده تفكر بطنها وراحتها ) .
هناك 14 تعليقًا:
تروحين وتردين بالسلامة وعساه ينعاد عليكم بالخير والحب يارب
عساج من عواده :)
عساج من عواده يا رب
عاد صج رمضان بره الكويت غير
تروحين و تردين بالسلامه
صباح الخير
وووي صج يعطيج العافية
ومبارك عليج الشهر مقدما
يلا تروحين بالسلامة وان شاء الله ربي يهون عليج الغربة .. لوووول وان شاء الله ريلج ينسى سالفة الطباخ
تروحين وتردين بالسلامة
انا توقعت رايحه بتدلعينه خخخ..
عموما تروحين وتردين بالسلامه..
ومبارك عليج الشهر..
تروحين وترجعين بالسلامه ..
ولاتنسين تحطين طبخات في بوست لووووووول
اليوم طويل وانتي صايمه وريلج بالدوام .. تنامين وتطبخين على راحتج
ومبارك عليج الشهر
ترجعين سالمة غانمة =)
بس ليش ما تطبخين اليوم بيكون طويل وتلهين عمرج =)
راح نشتاق لج والله
يالله تروحين وتردين لنا بالسلامه حبيبتي
وعلشان تدلعين بنطرش لج صحن ورق عنب ولقيمات خخخخخخ
هلا Engineer A
مشكورة الله يسلمج حبيبتي
هلا هوب
تسلمين وكل عام وانتي بخير
هلا بطبوط
مشكورة قلبي
الله يسلمج لا تنسون قرقيعاني خشوه
هلا رورو
اي بدلعة بس مو كل يوم طبخ
ياربي ما أدري ليش الضعاف يموتون على الأكل
تسلمين
هلا كريزي
اكيد بحط بوست عن يوميات
تسلمين
هلا هديل
عقدتي اني ما أحب الطبخ
تسلمين
هلا جوجو
اي والله ابي تطرشولي اكل
وتريحوني
إرسال تعليق