الأربعاء، 9 يونيو 2010

منوعات اعجبتني

هلا شخباركم هالبوست راح أتكلم فيه عن أشياء جربتها وعجبتني اما من الكويت أو كندا

خلونا نبدأ بأول منتج . . . 



هذا أول منتج شريته 3 بدينار قلت أجربه وهو مثل مو شايفين مزيل طلاء الأظافر 


و داخله شكل قطن مدور داخله المزيل الأظافر ( أسيتون ) فكرته حلوه وعمليه وسهله الأستخدام وأهم شيء انه تقدرين تحطينه بالجنطة للأستخدام اليومي 
قلت أجربه على بنتي لأنها كل يوم حاطت لي صبغ شكل بنات آخر زمن .


هذه أظافيرها الأخت ملونته مو كامل بعد . . . 



هذا بعد الاستخدام والله حلو بسرعة شال الصبغ ومافي ريحة تذبح نفس الاسيتون . 



المنتج الثاني . . . 


هذا شريته عند بو 100 فلس بس مو أدول ولا بندول هذا كلنكس 

طريقته . . 

ضعيه في كأس ماء ثواني فقط 


ويتمدد ويعطيج قطعة منديل تستخدمينه ممكن بالمطاعم أو وانتي مسافره أو حلو بعد لليهال . 



المنتج الثالث . . .


هذه مو كره بلياردو عادية هذي الكره العجيبة طبعا أنا ما أصدق هالسوالف بس للوناسه ما أخذتها 
طريقتها . . .
سألي سؤال شرط السؤال بنعم أو لا ؟ 
وبعدين خضي الكره 


يطلع لج الجواب هو للوناسه و وايد أشوفه بالأفلام 



المنتج الرابع . . . 


هذا القلم بس مو قلم سبوره 
هذا القلم مفيد للشنطة وإذا عندج يهال 


هذا عبارة عن قلم يزيل الأوساخ عن الملابس يعني إذا طالعة مطعم و ولدج وصخ قميصه بقعه على طول أخذي القلم واضغطي عليه وأمسحي البقعه فيه راح تختفي وايد مفيد لليهال لأنه 24 ساعة ملابسهم مبقعه بريد وخرابيط . 
فيه منه على ماركه تايد وماركات ثانية . 

أدري في أشياء بتقولون قديمه بس توني أكتشفها وعندي وناسه يوم أكتشف شيء مفيد .

هناك 10 تعليقات:

ANGEL HEART يقول...

انا من شفت اسم كندا ييت ركض :)

وكل الاغراض حلوين ومفيدين خصوصا الاستون اللي ماله ريحه هذا وين بكندا ولا الكويت؟

mazyona يقول...

هلا انجل هارت
لا الاسيتون من الكويت خذيته من وحده بالدوام علشان أجرب وايد مريح وعجبني .

كوكتيل يقول...

صباح الخيرات :)

أنا حبيت الكلينيكس ما بو ميه وأستخدمة مفيد حيل وحجمه صغير :)

والقلم بعد حلو إختي يايبته مال ماركة تايد بس للحين ما جربته أنا بجلابة لأن مفيد :)

ويعطيك العافية :)

Hopeless Sight يقول...

المناديل ما جربتهم بس اختي تقول حلوين و يشيلون الصبغ بعد و شرتهم من المنصور و هم الكلينكس اللي يتمطط حلو و اتذكر اول ما طلع طيروا سعره ووصل دينار و كلها اقل من 6 حبات! والحين عند بو مية .. اما الكرة هذي اول مرة تمر علي و القلم جربت مال كلوريكس بس ريحته تعور الراي ما يصلح للجنطة ..
يعطيج العافية

شاي الضحى يقول...

عجبني الاسيتون

وقلم التنظيف انا عندي مال تايد من مركز السلطان وايد زين

رورو الشخبوطه يقول...

هلا مزيونه ..

من الصبح بعلق ماقدرت..

كنت بقولج عن الاسيتون انا مجرب مثل هالطريقه اكثر من نوع 2 من بوتس واحد سعره دينار وال2 اقل بعد وحبيتهم..

وتوني ماخذه ع تفاح اخضر من جمعية كيفان بنص..

والقلم عند مال كرولكس لملابس البيضا بس ماجربته ..

والكلينكس مره شريتهم بس اكبر من هالحجم بس ماجربتهم..

وبالعافيه يارب..

mazyona يقول...

هلا كوكتيل
تسلمين

mazyona يقول...

هلا هوب ليس
مشكوره على الرد
لازم تجربين الكره وناسه

mazyona يقول...

هلا شاي الضحى
تسلمين على الرد

mazyona يقول...

هلا رورو
حياج الله تردين وتعلقين أي وقت البلوق بلوقج