الخميس، 3 يونيو 2010

كيكه كوفي ريببلك

اليوم اختي الا تبي تغير وتذوق كيك غير كيك الجمعية 
قام أخوي وياب لنا من كوفي ريببلك عده أنواع من الكيك علشان نجربهم 



هذي هي الأنواع اللي يابها أخوي 


قلنا لازم نجرب وحده وحده علشان نختار الأحلى ونطلبها المره الياية


جربنا أول وحده كانت كيكه الجزر حلوه بس وايد فيها سكر ما عجبتني وايد بس عجبت أختي وأخوي وايد


اما الثانية كانت خفيفة وهشه وبالنص كريمة خفيفة ومن فوقها توفي بصراحة حبيتها وايد وأعجبت أغلب الموجودين يعني اللي قاعدين يدحون معاي أنصاص الليالي مافي شغل أخوي وأختي .


أما آخر قطعة كانت كيكة سنكرز شكلها كان ما يشهي بصراحة بس قلنا لازم نجربها للمصلحة العليا ( طفاقة مو علشان شيء ثاني ) المهم أنا وأختي ما عجبتنا لأنه وايد حاليه ومتروسه كاكاو حسيتها وايد دسمه بس امي وأخوي عجبتهم . 
الناس أذواق بس أنا أرشح الثانية أن نطلب منها مره ثانية . 


أما هذا مو كيكه هذا ولد أختي اللي قعد يطالعنا نآكل الكيكة ويقول في قلبة صج دببه كلوا 3 أنواع ولا فكروا يذوقوني .

هناك 18 تعليقًا:

Crazy Girl in aGood Way يقول...

عليكم بالف عافيه


انا سامعه عن كيكه الجزر واايد يمدحونها

والثانيه شكلها لذييييييييذ

واخر كيكه قصدي كتكوت الله يخليه لكم قوليله لاحق ان شالله :)

شكرا

mazyona يقول...

هلا كريزي
كيكة الجزر من محل كراميل وايد أحلى من ريببلك كافيه
تسلمين

رورو الشخبوطه يقول...

وي يسلم قلبه بسم الله عليه الله يحفظه يارب هذا احلى من الكيكه ماشاءالله..

وبالعافيه يارب الكيك..

360dewan يقول...

بالعافية .. كوفي ريببلك يتعامل مع محل اسمة كراميل الكائن بجانب مبنى ال أم بي سي على شارع الخليج .. الكيكة الثانية هي كيكة القرع و عندهم كيك الكوسة و البطاطة الحلوة ، الإسم شوي يضيق الخلق بس الطعم طيب :)

شاي الضحى يقول...

عليكم بالعافيه

واخر كيكه بسم الله عليه يهبل ما شاءالله

الله يحفظه :)

هديــل يقول...

ثاني كيكة شكلها حلوة :)

والاخيرة شوووقتني

بجم شارينها :q

الله يحفظه ويخلييه لكم :)

DoDoq8 يقول...

اخر صوره احلى كيكه

غير معرف يقول...

بالعافية ان شاءالله
ترا هالكيك موجود عند كاريبو بعد بس قطعوه عسى الله راس العدو:(
من دروا اني أحبه و هم قاطعينه .. وايد حلو و أنا طبعي ما احب تشيز كيك او فراولة و هالانواع .. احب كيك الجزر و القرع و الكل ينصدم لما أقولهم :p

حَافِـيَةُ الَقَدمَيّـنْ ولِبَاسِي المَطـرْ يقول...

ويّ سلّم قلببببه نظرته نظرة حرمان
مشالله تبارك الرحمن , عسل
احسه مال عض

ما تسلفوني إياه اسبوع ؟

mazyona يقول...

هلا رورو
تسلمين مشكوره

mazyona يقول...

هلا 360dewan
مشكور على المعلومة المفيده

mazyona يقول...

هلا شاي الضحى
اي آخر كيكه حق الحنه زين

mazyona يقول...

هلا هديل
والله ما ني متأكده من سعر بس يمكن 3 دنانير أوأقل بشوي

mazyona يقول...

هلا دودو
تسلم هذا من ذوقك

mazyona يقول...

هلا هوب ليس
ذوقج حلو
حلو الكيكه الجزر والقرع

mazyona يقول...

هلا حافية القدمين
أختي تبي تسلفج ياه شهر
تبي تفتك من حنته الله يهديها
مشكوره
أما عن العض حلالج

'3ShMrGiaH يقول...

يسلم قلبووووه..باجر ان شاءالله اهو اللي يعزمكم على الكيك ..بس هااااا لا تنسين تعزميني..:p

mazyona يقول...

هلا غشمرجية
انشاءالله يارب
بس الخوف ان يستنذل
مشكوره