الثلاثاء، 18 مايو، 2010

خوش رجيـــــــــــــــــــــــم

خوش رجيـــــــــــــــــــــــم


أختي والده ويايه الكويت على ان بتسوي رجيم عندنا 
وأنا قلت أنا وهي نساعد بعض ونقوي ارادتنا ونسوي رجيم 
اليوم الأول : 
مخففين أكل وايد 
ريوق كان نص توسته وجبن 
وغدا ما تغدينا الا سلطة 
وعند العشا 
قالت لي تذكرين المطعم اللي عنده شاورما حلوه 
ونتذكر الأكل 
ونقوم ندح الأكل عن 3 أيام جدام 
وبعد ما خلصنا 
حسينا بذنب قلنا خلاص باجر نبدأ رجيمنا 
بذمة وضمير 
اليوم الثاني : 
عدلنا الوضع 
وخففنا عشا وغدا 
اليوم الثالث :
مشاءالله على الإرادة 
الله يتمم علينا 
اليوم الرابع : 
أختي تقولي جنج ضعفتي 
وأنا ما أصدق أحد يقولي ضعفانه وناسه 
وأنا أقولها اي جنه نازله 
وتقول لي أختي يالله 
يبيلنا يوم فجة بكل الرجيمات 
الدكتور يعطي يوم فجة نآكل فيها 
ونتفق ان اليوم الخامس نبي نروح مطعم غدا
اليوم الخامس : 
غدانا في مطعم خوش فجة كل اللي بخاطرنا كلينا 
قلتها هذا عن 10 أيام جدام 
ويوم رجعنا البيت 
أخوي عازمنا على العشا 
في بيته ويايب أكل هندي لذيذ 
ونطيح أنا واختي بالأكل 
اليوم السادس : 
رجعنا للرجيم القديم 
بس العشا انا وياها اشتهينا بيتزا 
ونطلب وندح عدل 
قلنا خلاص لازم تكون ارادتنا أقوى 
اليوم السابع : 
مافي ريوق 
بس الغدا جمعة بيت جدي 
وطحنا بالعيش والكبه باللبن 
وبعد الغدا حلويات 
وبليل 
طلبنا وجبة 
ورد 
أول الأسبوع 
وهذا حالنا 
خوش رجيم اللي كل نص كيلو ننزله أنا وهي 
ثاني يوم معوضين عليه ب10 كيلو 
ما أقول إلا المثل المصري 
جبتك يا عبدالمعين تعيني 
لقيتك يا عبدالمعين عاوز اللي يعينك 

هناك 10 تعليقات:

شاي الضحى يقول...

ما شاءالله على ارادتكم

ههههههههههههههه

بدعتوا

عاد توني اتناقش مع رورو على موضوع الرجيم

صارلي اسبوع قمت اخوره

ولا كنت صامده من قبل جم شهر

رورو الشخبوطه يقول...

خخخ رجيمكم قاسي وصعب وكله حرمان من جذي ماتستحملون ..

التخفيف والراياضه احسن شي..

وموفقين يارب..

q8-lawyer يقول...

خوش إراده لوووووووووووووووووول

عاد من تبدين رجيم كل شي تشتهينه وكل شي يصير حلو ولذيذ وهذا وقته

إنتي وإختج قاعد تخربون على بعض أحسن شي وحده منكم تسوي الرجيم وإذا بين عليها الضعف راح تتشجع الثانيه وتبدي الرجيم عدل ؛)

كوكتيل يقول...

الرجيم من تبلشينه كل شيء يصير حلو بعينك وتشتهينه :(

أنا أفضلل التخفيف وكثرة الحركة :)

والإراده أهم شيء

mazyona يقول...

هلا شاي الضحى
اي عاد عندنا نخورها عدل ولا ما يسوى

mazyona يقول...

هلا رورو
اي ذابحين عمرنا
وايد محرومين

mazyona يقول...

هلا كويت لوير
اي والله انتي الصاجة

mazyona يقول...

هلا كوكتيل
اي والله كل شيء يحلو بالعين

SweetHeart ~ يقول...

هههههههههههه

جذي تساعدون بعض لوول

في ناس من اول ما عرفتهم لي يومج
لي بعد عشر سنين يقولون بنسوي رجيم
وكل ماشوووفهم القاهم يدبون بهالحلو والاكل .
عليهم بالعافية ..

المشكلة بعد كل طبق تتكرر جملة
* انشالله نبدي رجيم اسبوع الياي لوووول

واكيد تدرين
لازم الواحد عنده ارادة يبيلها شوية تعب وصبر
ماكو اسهل من الاكل بس الصعب شنو ....  
لي تكود هالاكل شيطلعه بالله هههههه


يعطيج العافية و بالتوفيييق (:

mazyona يقول...

هلا سويت هارت
اي والله ماكو اسهل من الأكل