الثلاثاء، 13 أبريل، 2010

زوجي وكوكي

ارحب بكم بعد انقطاع فتره عودتي للكويت أول بوست لي من الكويت .
زوجي وكوكي . . . 
بما اني قررت أقعد بالكويت وما ارجع كندا 
ضاق خلق زوجي وخاصة متعود على صراخ اليهال وشطانتهم قام وشراله بغبغاء سماه كوكي . . .
يونس وحدته ويدربه بصراحة كل ما أكلمه يسولف عن كوكي 
شنو سوه وكوكي مريض ويدرب كوكي يآكل من ايديه
لدرجة بديت أغار .
شفتو الحريم أغار من بغبغاء الله يعيني على كوكي . . . 
وهذه صوره كوكي 

شنو الحل ؟ ؟
ما كو إلا أنا بعد أشتري لي حيوان ؟ شنو رأيكم عطوني اقتراحات ؟

هناك 10 تعليقات:

رورو الشخبوطه يقول...

خخخ ماكو الا تردين له كندا :p

والحمدالله ع سلامه ..

mazyona يقول...

هلا رورو
اي والله
بس الغربة صعبة

شاي الضحى يقول...

ليش خليتيه بروحه وعليه

اي بعد شسوي يونس روحه

ام رفيجتي تغار من بقره ههههههه

ريلها عنده مزرعه ومجابل بقرته 24 ساعه واهيا قامت تغار منها :q

q8-lawyer يقول...

صج حريم نغار من أي شي هههههههه

واعليه على ريلج ماينلام يسلي نفسه فضى عليه البيت

المفروض ماتخلينه بالغربه بروحه
أدري الغربه صعبه

بس من أجل عين تكرم ألف عين

Crazy Girl in aGood Way يقول...

هلا فيج بالكويت

ماينلام وانا شكلي بشتري واحد في جيرمي واعلمه كويتي وابيعه بالمزاااد خخخخخخخ

اذا مطول ريلج روحيله :(

شكرا

mazyona يقول...

هلا شاي الضحى
اي اشوه انا بغبغاء مو بقره

mazyona يقول...

هلا كويت لوير
والله مو بيدي اجازتي خلصت ولازم أداوم
لو علي جان قعدت عنده على طول

mazyona يقول...

هلا كريزي
والله مطول بس مشكلتي اني دوام
يالله انشاءالله يمر الوقت بسرعة

غير معرف يقول...

Attractive section of content. I just stumbled upon your website
and in accession capital to assert that I acquire
in fact enjoyed account your blog posts. Anyway I'll be subscribing to your feeds and even I achievement you access consistently quickly.

Here is my webpage - ranger forum

غير معرف يقول...

Hi, for all time i used to check blog posts
here early in the break of day, for the reason that i like
to find out more and more.

Also visit my web page: ford ranger