الأحد، 4 أبريل، 2010

رادة للكويت أخيرا

رادة للكويت أخيرا . . .

اليوم الساعة 9ونص راح تنطلق رحلتي من كندا للعودة للكويت ديرتي الحبيبة صج راح نقعد 13 ساعة ترانزيت بس كل شيء يهون يوم نرجع ديرتنا ونشوف حبايبنا .
ما أجمل العودة للديرة وشوارعها ( أي اشتقت للزحمة ) واشتقت لحرها وشمسها اللي تحرق اشتقت اني أسوق سيارتي في الديرة وأدور على مزاجي في مجمعاتها .
امممممممممممممممم بعد على أهل الديرة اشتقت ورفيجاتي وطبعا أهلي . صار فيلم هندي بس صار لي 9 أشهر بكندا أكيد اشتقت واشتقت 
بس حبيت تشاركوني الوناسة بالعودة أخيرا .
صج الأفلام اليديدة كلها شايفته عيل شنو راح أسوي بطيارة ؟؟؟؟؟؟؟؟؟؟؟؟؟؟
أكيد ما راح أنام لأنه الكرسي مو مريح قاعدة أفكر شنو راح أسوي في 7 ساعات طيران ؟ الرحلة الأولى والثانية الله يعيني 
يالله نبي دعوتكم الحلوة وأشوفكم البوست الياي بالكويــــــــــــــــــــــــــــــــــــت .





هناك 12 تعليقًا:

Crazy Girl in aGood Way يقول...

وااااااايد فرحتلج ياحيااتي

انا يمكن اكثر وحده حاسه بفرحتي

انا شهر وبرجع ان شالله .....

استانسي بالعزاايم اللي راح تييج من كل صوب وناااااسه ...

توصلون بالسلامه ولاتقاطعينه في البلوق :)

رورو الشخبوطه يقول...

تردين بالسلامه يارب..

mazyona يقول...

هلا كريزي
اي والله يمكن أنتي أكثر وحده حاسة فيني
مشكورة

mazyona يقول...

هلا رورو
مشكورة ما قصرتي

شاي الضحى يقول...

توصلين بالسلامه ان شاءالله

اكيد مافي احلى من كويتنا

والغربه صعبه

انا حاسه فيج بس يالله كلها ايام وتعدي وبعدين تصير سوالف

درب السلامه :)

mazyona يقول...

هلا شاي الضحى
مشكورة على الكلام الحلو تسلمين

q8-lawyer يقول...

تردين بالسلامه ياااارب

ماااالومج في أحد ما يوله على الكويت

وإن شاءالله تكون رحلتكم مريحه:)

Eden يقول...

يلا تردين بالسلامه انشالله

mazyona يقول...

هلا كويت لوير
مشكورة على المرور

mazyona يقول...

هلا ايدن
تسلمين
مشكورة على المرور

BookMark يقول...

بالسلامة يارب :)

mazyona يقول...

هلا بوك مارك الله يسلمج