الأربعاء، 10 مارس، 2010

عيد ميلادي قرب ؟؟؟؟


بما أن عيد ميلادي قرب 17 /3 قاعده ألمح حق زوجي الأشياء اللي أبيها .
تدرون الرياييل مرات هداياهم كارثة مو لأنه ماعندهم ذوق لأنه ما لهم خلق يدورون فيشترون أول شيء عجبهم وخلاص و طبعا ما نقدر نقولهم ان مو عاجبنا ...
يعني مرات عليهم عرات عجيبة . 
زوجي دايما يقول أنتوا الحريم ما يعجبكم العجب بصراحة أستحي أقوله أن مرات ذوقهم اللي يذبح .
يعني يوم يفكر يشتري لي عطر على الأقل لازم يفكر شنو العطر اللي ممكن يعجبني مو أي عطر وخلاص .
و لا بعد مرات ييبلي شغلات هو يبيها ويستفيد منها يعني حقه مو حقي مثل بلي ستيشن أنا شنو أسوي فيه .
يعني تعبت من الهدايا اللي ما منها فايده قلت بقعد أحط في بالي جم شغله وأراويه يعني ألمح له أنه حلوه وعاجبتني .
أول شغله جنطة عاجبتني وديت زوجي معاي على أساس بس ندور وشفت الجنطة وأقوله حلوه صح وايد عاجبتني والأخ يرد علي عاديه نعم جنطة ماركة وسعرها الفلاني والأخ يقول عادية ما تسوى ولا يقولي إذا عاجبتج أشتريها .
مو أذبحه كرهني بالجنطة .
قلت أختار شيء ثاني قلت شيء شبابي أكثر لقيت لابتوب حلو قلت أراويه وكالعادة واحنا طالعين مريت على المحل وأقوله واااااو شوف اللابتوب حلو يعني ألمح .
يقول حق شنو عندج لابتوب يعني قفطة أشكرى .
حبيت أرقع جان أقوله أي بس لابتوبي قديم وشوي خربان يعني محتاجة واحد يديد والأخ يرد علي ويقول أشتري من الكويت أحسن على الأقل الكيبورد عليه أحرف عربية .
موحسيت أني راح أنفجر كان ودي أصرخ يعني شنو أسوي . 
آخر شيء استسلمت والله يستر شنو راح يعطيني بعيد ميلادي 
راح أكتب لكم بالبوست يوم 17 مارس .

هناك 11 تعليقًا:

رورو الشخبوطه يقول...

كل عام وانتي بخير مقدما..

يبطون جبدي الذكور بهالنقطة يعني نغزة افهم ابيه هديه يابو ذووق قاتل يبها خخخ..

وان شاءالله ايب لج هديه ع ذوقج وتعجبج..

bo6abesh يقول...

well...its not about malna khelg its about ma nadrey wether ra7 ya3jebkom or la
i faced this problem too when im trying to buy my wife a gift....ma adrey shino ayeeb...oo b3d chabdy ihyaa dayman 3ajbat'ha hadeyty ma3a inny i dont think so ashkara itjamil
moshkila intaw yal 7areem...:P yebnalkom ma taboon....ma nyeeb tgolon hatha imga9er
ya3ni lazim jan6a bo alf wela ma yamshi loool

wish u happy birthday and dawam el 9e7a wel3afya weltawfeeq fee 7ayatech elzawjeya :)

mazyona يقول...

هلا رورو تسلمين
وأنا معاج اللبيب بالإشارة يفهم
إلا إذا عن قصد يسوي نفسه مو فاهم

mazyona يقول...

هلا bo6abesh
صح كلامك ترى ما يعجبنا العجب
بس لازم الهدية تدش المزاج مو شرط جنطة بو ألف بس على الأقل تكون حلوة وعلى المزاج
مشكور

36uofa يقول...

كل عام ونتي بخير والعمر كله ا شاء الله :*
و ان شاء الله زوجج يجيبلج كلل اللي تبينه اب عيدميلادج:*

مبدعه يقول...

كل عام وانتي بخير
عقبال 100 سنه

خليه يقرا البوست لعل وعسى يجيب اللي تبين

كوكتيل يقول...

كل عام وإنت بخير مقدما حياتي

أنا أحب المفاجأة خليها مفاجأة أحسن

وإن شاء الله ييب لج شيء تكوونين تحبينة أو تبينه

وبعدين مو يمكن يكون منتبه بس يسوي نفسه جذي عشان ييب لج اللي أخترتيه

بس هم أقول لا تعشمين واييد

وحطي ببالك إن كافي إنه حاول وإن شاء الله المحاولة تنجح :)

mazyona يقول...

هلا 36uofa
مشكورة وايد
تسلمين

mazyona يقول...

هلا مبدعة
تخيلي أخليه يقرأ البوست ويحط علي طول حياتي
تسلمين

mazyona يقول...

هلا كوكتيل
انا بعد احب المفاجآة
بس مرات تكون صدمة
مشكورة تسلمين

غير معرف يقول...

Sοmebοdy essentiаllу help to make ѕeveгely articleѕ I would statе.

That is the fiгst time I frequеntеd yοur web pagе and thus fаr?
I surprised with the resеarch уοu made tο make this actual publish extraordinarу.

Wondеrful task!

Also visіt my site - garden center jobs