الأربعاء، 3 مارس 2010

ماهي الأشياء التي يجب أن تكون بحقيبتك ؟


توني فضيت حقيبتي كلها على الأرض كنت أريد أن أبحث عن فاتورة معينه أكتشفت أن الحقيبة ثقيلة و أغلبها اشياء غير ضرورية عرفت ليش حقيبتي ثقيلة دايما أكتشفت أن كل شيء في هذه الحقيبة ( فواتير - نظارة- مناديل-علبه علك مخلصة - تذاكر سينما -مكياج - عملات كثيرة -مشط -أقلام والكثير ) .
انصدمت هل كنت أحمل كل هذا في حقيبتي بدون وعي مني او لأنه الحقيبة كبيرة فقررت فقط أحشوها ؟ 
هل كل هذا ضروري أم  Handbag Junk
لهذا قررت أضع موضوع ماهي الأشياء التي لا تستغنين عنها بحقيبه يدك ؟ 
قررت أنظم حقيبتي وأضع الضروريات لكن الضروريات تختلف من شخص لآخر أحب أسمع أفكاركم عن الضروريات ؟
أنا عن نفسي لازم يكون في حقيبتي مناديل رطبة ما أقدر أعيش بدونها و نظارتي الشمسية و عندي مكياج وايد بالجنطة بس قررت أقلل من المكياج وأحط مسكارا و علبة بلشر وحمره وبعد 
حطيت قلم واحد احتياط إذا بغيت أبي أكتب وموبايلي وعطر وطبعا مرآة صغيرة . أحس الحقيبة صارت ثقيلة مرة ثانية بس هذي ضروريات بالنسبة لي . ولا شرايكم ؟ 
 

هناك 4 تعليقات:

NewQ8 Bride يقول...

ها ها جنطتي عبارة عن كبت و مكتبة و خزانة متنقله

جان زين بس اقدر اشيل الضروريات

شوقتيني الحين بقعد افظيها

mazyona يقول...

هلا New Bride
يالله زين حملة تنظيف الجناط
مشكورة على الرد

رورو الشخبوطه يقول...

ع حسب المكان..

بس بالنسبه للدوام فيها كتاب ولاب توبي الصغير والايقو والشاحن .

وتلفوني وبوكي ونظارتي وكريماتي ومعقم الايد..

والكلنكس وطبعا فواتير واوراق بنك من سنة الطواعين :\

حسيت جنطة سفر مو جنطة ايد خخخ..

مشكوره..

mazyona يقول...

خخخخخخخخخخخخخخخخخ
الظاهر كل الحريم مثلي
البيت كله بالجنطة
تسلمين