شنو سالفة الشياب مع الزواج
تلاقون الواحد صك عمره السبعين والثمانين وقاعد يدور له
زوجة لا والقهر عنده شروط بعد
يبيها بثلاثين او كلش اربعين
ومايبيها مريضة كله يوديها المستشفى يبيها هي اللي تباشره وتعتني فيه يعني ( ممرضة )
ويبيها حلوه ويفضل لو مو متزوجة قبل
من صجهم كل واحد ريله والقبر ويتشرط ويبي يدش دنيا
مساكين الشباب اللي مو قادرين يتزوجون والأخ تلاقونه متزوج مرتين أو ثلاثة
القهر أكثر الشياب هذي سوالفهم ويا ريت بس على السوالف الأكثرية مطبقين ومتزوجين
يعني اكثر الزواجات حق شياب مو شباب هذي أروح أهنيها ولا أعزيها
أنا أقول الأحسن له يتفرغ حق ربه ويسوي الخير ويصلي ويكثر من حسناته بدل سوالف الزواج خلاص جربت حظك ولا انتوا شرايكم يعني أنا حولي وايد من الناس اللي أعرفهم شياب متزوجيين .
اكيد صار كل اللي حولي مخرفين
المهم انا صج شايفتها ظاهره غريبة ان الشياب يتزوجون يعني لو عمره 50 او شوي اكثر كنت قلت يمكن بس لا يعدي يعني راحت عليك خلاص
ولا شنو رأيكم ؟
هناك 3 تعليقات:
الريال عمره مايشيب يا بنت
احنا عمرنا يخلص واهم لا البطارية مشحونة مالتهم ..
الله يعينا
الشرهه على المره التي تقبل فيه
مشكلتها
ولا شرايكم؟
إذا إهي راضيه وهو راضي عليهم بالعافيه والله يهنيهم بدون مراجعة مستشفيات
هلا عيون المها نورتي المدونة
وتحلطم صح هو مشكله اللي بتبتلش فيه
إرسال تعليق